පකිස්තානයෙන් සහල් ගෙන්වා දෙන බවට පවසා රුපියල් තිස්හය ලක්ෂ හතලිස් එක්දහස් හාරසියයක් වංචා කළ පකිස්තානුවෙක් කොළඹ වංචා විමර්ශන කාර්යාංශය විසින් අත්අඩංගුවට ගෙන තිබේ.
නදීම් හුසේන් නැමැති 50 හැවිරිදි පකිස්තානුවාව මෙසේ අත්අඩංගුවට ගෙන ඇත. වසර 10 ක පමණ කාලයක් තිස්සේ මෙම පකිස්තානුවා මෙරට රැදී සිටින අයෙක් බව වංචා විමර්ශන කාර්යාංශය සඳහන් කළේය.
ගල්කිස්ස ගුණරත්න මාවතේ සහ දෙමටගොඩ තාවකාලිකව පදිංචිව සිටින මෙම පක්තානුවා සහල් ආනයනයකරදෙන බව සඳහන් කරමින් ඔහුගේ ගිණුමකට මෙම මුදල බැරකරගත් බව පැමිණිලිකරු සඳහන්කරන බව වංචා විමර්ශන කාර්යාංශය සඳහන් කරයි.
ප්‍රශ්න කිරීම් හමුවේ පකිස්තානුවා පවසා ඇත්තේ තමා සහල් ආනයනයකර එම පුද්ගලයාට ලබාදී ඇති බවත් දැන් ඔහු බොරැවක්කරන බවත්ය. මේ ගැන ගල්කිස්ස අධිකරණයට කරුණු දැක්වීමෙන් පසු පොලීසියට අධිකරණයෙන් නියෝගයක් නිකුත්කර ඇත්තේ ඒ සම්බන්ධයෙන්ද විමර්ශනයක් කරන ලෙසය.
මෙම ගණුදෙනුව සිදුවී ඇතැයි කියැවෙන්නේ පසුගිය මාර් තු 08 වෙනිදාය.
