මේවනවිට රට තුළ පවතින ගෑස් අර්බුදයට තාවකාලිකව හෝ විසඳුමක් ලබාදීමට තවත් මාස එකහමාරකට ආසන්න කාලයක් ගතවනු ඇතැයි ලිට්‍රෝ සමාගමේ නව සභාපති මුදිත පීරිස් පවසයි.
කෙසේ හෝ ගෑස් මෙරටට ගෙන්වා ගැනීමට නම් ඊට අදාළ ක්‍රමවේදයට අනුව නියමිත පරිදි ඩොලර් නිදහස් කිරීම අනිවාර්යය බව ඔහු අවධාරණය කළේය.
ජනතාවට අවශ්‍ය ගෑස් තොග කඩිනමින් ලබාදීම සඳහා තම උපරිම දායකත්වය ලබාදෙමින් ඇති බව ද සභාපතිවරයා මෙහිදී කියා සිටියේය.
