ශ්රී ලංකාවේ පවතින ජලභීතිකා එන්නත් හිඟයට විසඳුමක් ලෙස අමරිකානු ඩොලර් 26000 ක පමණ වටිනාකමකින් යුත් ජලභීතිකා එන්නත් තොගයක් අද පස්වරුවේ සෞඛ්ය අමාත්යංශයට පරිත්යාග කර තිබේ.
සේරුවිල මංගල රාජමහා විහාරස්ථානය සහ ශ්රී ලංකා පරිජන්ම වෛද්යවරුන්ගේ සංගමය ඒකාබද්ධව පිහිටුවා ගත් save a baby සංවිධානය මගින් මෙම එන්නත් තොගය පරිත්යාග කර තිබේ.
රට පුරා සෑම රෝහලකම මේ වන විට ජලභීතිකා එන්නත් නොමැති තත්ත්වයක් උද්ගතව ඇති හෙයින් මෙම එන්නත් තොගය පරිත්යාග කිරීමට පියවර ගත් බව සේරුවිල මංගල රාජමහා විහාරාධිපති අලුදෙණියේ සුබෝධි නාහිමියෝ පැවසූහ.
එක්සත් රාජධානියේ ශ්රී ලංකා වෛද්ය සහ දන්ත වෛද්ය සංගමයේ අනුග්රහයෙන් මෙම එන්නත් තොගය පරිත්යාග කළ බවද සුබෝධි නාහිමියෝ කීහ.