දුම්රිය ප්රවේශ පත්ර සහ බඩු ප්රවාහන ආදායම්වලින් රුපියල් ලක්ෂ 7ක පමණ මුදලක් වංචා කර ඇතැයි කියන සිද්ධියක් සම්බන්ධයෙන් අඹේපුස්ස දුම්රිය ස්ථානාධිපතිවරයාගේ වැඩ තහනම් කර තිබේ.
අඹේපුස්ස දුම්රිය ස්ථානාධිපතිවරයා ඉකුත් දා සිට වැඩ තහනමට ලක්කර ඇති අතර ඒ සම්බන්ධයෙන් දුම්රිය දෙපාර්තමේන්තුව මගින් විගණන පරීක්ෂණයක් ආරම්භ කර ඇතැයි ද දුම්රිය දෙපාර්තමේන්තුවේ ප්රකාශකයෙක් පැවසීය.
අඹේපුස්ස දුම්රිය ස්ථානාධිපතිවරයා මාස හයක පමණ කාලයක සිට ප්රවේශ පත්ර මුදල් සහ බඩු භාණ්ඩ ප්රවාහනය කිරීමෙන් ලැබූ මුදල්වලින් රුපියල් ලක්ෂ 7ක පමණ මුදලක් වංචා කර ඇති බවට මූලික පරීක්ෂණවලින් හෙළිවී ඇති බව ද ඔහු සඳහන් කළේ ය.