චීනයේ 2022 විශ්වවිද්යාලයීය ප්රවේශ විභාගය අද (7) ඇරඹේ.
එක්කෝටි දහනව ලක්ෂ තිස් දහසක සිසු පිරිසක් ඊට පෙනීසිටිති.
මෙවර විභාගය පැවැත්වෙන්නේ රටේ බොහෝ ප්රදේශවල කොවිඩ් වසංගතය පවතිද්දී ය.
සිසුන් හා කාර්ය මණ්ඩලවල සෞඛ්යාරක්ෂාව සහතික කිරීම සඳහා, විභාග මධ්යස්ථානවල පීසීආර් පරීක්ෂණ අඛණ්ඩව සිදුකෙරේ. වසංගත පාලන කාර්ය මණ්ඩල ද සේවයේ යොදවා ඇත.
මේ වනවිට චීනයේ වැසි සමය ඇරඹී ඇති බැවින් අධික වර්ෂාපතනයෙන් විභාගයට එල්ලවන බලපෑම් පිටුදැකීමට ද විශේෂ පියවර ගෙන තිබේ.
ගමනාගමන, නේවාසික පහසුකම්, ආහාර සුරක්ෂිතතාව හා අධික උෂ්ණත්වයන් පාලනය කිරීම ආදී ක්ෂේත්රවල සේවාවන් මනාව පවත්වා ගන්නා ලෙස ද අධ්යාපන අමාත්යංශය අදාළ අංශවලට උපදෙස් දී ඇත.
ආබාධිත තත්ත්වයේ පසුවන සිසුන් සහ වෙනත් අසීරුතා ඇති පිරිසට අවශ්ය පහසුකම් ද සලසා දී තිබේ.