ඉන්දුනීසියාවේ සිට මෙරටට ආනයනය කරන ලද රුපියල් මිලියන 300 ක් පමණ වටිනා කරුංකා කන්ටේනර් 23ක් ශ්‍රී ලංකාවේ නිෂ්පාදන බවට ව්‍යාජ ලේඛන සකස්කර ඉන්දියාවට ප්‍රතිඅපනයනය කිරීමක් සම්බන්ධයෙන් විමර්ශන පැවැත්වූ අපරාධ පරීක්ෂණ දෙපාර්තමේන්තුව ඒ සම්බන්ධයෙන් සහකාර රේගු අධිකාරීවරයෙක් ඊයේ (12) අත්අඩංගුවට ගෙන තිබේ.
එම සහකාර රේගු අධිකාරීවරයා වාද්දූවේ පදිංචි 29 හැවරදි අයෙක් බව පොලිස් මාධ්‍ය ප්‍රකාශක නියෝජ්‍ය පොලිස්පති නීතීඥ අජිත් රෝහන මහතා සදහන් කළේය.
මෙම කරුංකා තොගය ඉකුත් 2020 වසරේ අගෝස්තු , සැත්තැම්බර් සහ ඔක්තෝම්බර් යන මාස වලදී විටෙන් විට ඉන්දුනීසියාවේ සිට මෙරටට ආනයනයකර ඇති බව සදහන්ය. අනතුරුව එම කරුංකා මෙරට නිෂ්පාදිත ඒවවා බවට ශ්‍රී ලංකා රේගුවේ පරිගණක පද්ධතිය වෙනස්කර ඉන්දියාවට අපනයනය කර ඇතැයි විමර්ශන වලින් හෙළිවී තිබේ.
අපරාධ පරීක්ෂණ දෙපාර්තමේන්තුවේ මුල්‍ය අපරාධ ඒකකය මෙම ඡාවාරම සම්බන්ධයෙන් මාස කිහිපයකට පෙර විමර්ශන ආාරම්භ කරමින් සැකකරුවන් තිදෙනෛක් අත්අඩංගුවට ගෙන තිබුණි. ඒ අතර ව්‍යාපාරිකයෙක්ද සිටින බව සදහන්ය. සහකාර රේගු අධිකාරීවරයා සම්බන්දයෙන් තොරතුරු අනාවරණය වී ඇත්තේ එම සැකකකරුවවන්ගෙන් කෙරුණූ දීර්ඝ ප්‍රශ්න කිරීම් වලදීය. අනතුරුව එම රේගු අඅධිිකාරීවරයා සම්බන්ධයෙන් දීර්ඝ විමර්ශනයක් පවත්වා සාක්ෂි සහිතව ඔහුව අත්අඩංගුවට ගත් බව අපරාධ පරීක්ෂණ දෙපාර්තමේන්තුව සදහන් කරයි.
මේ වන විට එම සහකාර රේගු අධිකාරීවරයාගේ වැඩ තහනම්කර ඇතැයි අජිත් රෝහන මහතා සදහන් කළේය. මුදල් විශුද්ධිකරණය වැළැක්වීමේ පනත යටතේ ඔහුට එරෙහිව කටයුතු කරන බව ද ඔහු වැඩිදුරටත් පැවසීය.
