ගාල්ල ක්‍රිකට් ක්‍රීඩාංගනයේ ජාත්‍යන්ත ක්‍රිිකට් තරග පැවැත්වෙද්දී විකට්ටුව වෙනස් කරමින් තරග පාවාදීමක් සිදුුවන බවට අල් ජසීරා රූපවාහිනී නාලිකාව 2018 වසරේ විකාශය කළ වාර්තාමය වැඩ සටහනේ සදහන් ආකාරයට අනුව කිසිදු තරග පාවාදීමක් සිදුව නැතැයි ඒ සම්බන්ධයෙන් පරීක්ෂණයක් පවත්වන ක්‍රීඩා වැරදි සම්බන්ධ විමර්ශන ඒකකයට පෙනී ගොස් ඇත.
එංගලන්ත ක්‍රිකට් කණ්ඩායම මෙරට තරගාවලියකට පැමිණ සිටියදී අල්ජසීරා මාධ්‍ය කණ්ඩායමක් පැමිණ ඔවුන් බුකී කරුවන් ලෙස පෙනී සිටිමින් ගාල්ල ක්‍රිකට් ක්‍රීඩාංගනයේ තණතීරුව භාරකරු ඇතුළු කිහිපදෙනෙක් මුණ ගැසී විකට්ටුව වෙනස් කිරීමට කථාබහ කරමින් ඒ වෙනුවෙන් මුදල් ලබා දීමට යෝජනාකර ඇති බවද විමර්ශන වලින් පෙනී ගොස් ඇත. එම යෝජනාවට කිසිවෙක් එකගවී ඇති බවක් විමර්ශන විලින් පෙනී ගොස් නැත. ඔවුන්ව තමන් මග හැරිිය බවත් අල් ජසීරා නාලිකාවේ විකාශය වූයේ සංස්කරණය කළ කොටස් බැවින් ඔවුන් පටිගත කළ මුළු රූපරාමු පරීක්ෂා කිරීමෙන් සැබෑව හෙළිකර ගැනීමට හැකිවනු ඇතැයි ක්‍රීඩා විමර්ශන ඒකකය හමුවට කැදවා ප්‍රශ්න කිරීමට ලක්වූ ගාල්ල ක්‍රිකට් ක්‍රීඩාංගනයේ භාරකරු ඇතුළු චෝදනා එල්ලවූවෝ පවසා තිබේ.
ඒ අනුව එම වාර්තාමය වැඩ සටහනට අදාල සංස්කරණය නොකල දර්ශන ලබාගැනීමට අල් ජසීරා රූපවාහිනී නාලිකාව සමග අදහස් හුවමාරු කරගැනීමට ක්‍රීඩා වැරදි විමර්ශන ඒකකය තීරණය කර ඇත.
ඉදිරි විමර්ශන සිදුවන්නේ එම දර්ශන ලැබීමෙන් අනතුරුවය.
අල් ජසීරා වැඩසටහනින් එල්ලවූ චෝදනාව සම්බන්ධයෙන් අන්තර් ජාතික ක්‍රිකට් කවුන්සලයේ දූෂණ විරෝධි කමිටුව විසින් කළ දැනුම් දීමට අනුව මෙම විමර්ශනය සිදුවන බව සදහන්ය.
