”දැයට එළිය” ග්‍රාමීය ජනතාවට විදුලිය ලබා දීමේ වැඩ සටහන යටතේ මේ වන විට නිවාස 10,515 කට විදුලිබල පහසුකම් ලබා දී ඇතැයි විදුලිබල මණ්ඩලයේ සභාපති විජිත හේරත් සදහන් කරයිි.
අඩු ආදායම් ලාභී ග්‍රාමීය පවුල් ජීවත්වන නිවාස සදහා විදුලිය ලබා දීමේ රජයේ ජාතික වැඩ සටහනට අනුව දැයට එළිය ව්‍යාපෘතිය ක්‍රිියාවට නැගේ.
සිය නිවෙස්වලට විදුලිය ලබා ගැනීමට අඩුආයම් ලාභී පවුල් 23,574 කින් මේ වන විට විදුලිබල මණ්ඩලයට අයදුම්පත් ලැබී තිබේ. දැනට ඒ අයගෙන් කොටසකට විදුලි බලය ලබාදී ඇති අතර ඉතිරි කොටසට ඉතා ඉක්මනින් විදුලිය ලබාදෙන බව විජිත හේරත් මහතා පවසයි.
