එළඹෙන සතිය තුළ බහුතරයකට බූස්ටර් එන්නත ලබාදී එන්නත්කරණ වැඩසටහන අවසන් කිරීමට සූදානම් බව ඖෂධ නිෂ්පාදනය, සැපයීම හා නියාමන රාජ්‍ය අමාත්‍ය මහාචාර්ය චන්න ජයසුමන මහතා සඳහන් කරයි.
මේ වන විට මෙරට බූස්ටර් එන්නත ලබාගත් සංඛ්‍යාව ලක්ෂ 50 ඉක්මවා ඇති අතර රාජ්‍ය අමාත්‍යවරයා සඳහන් කරන්නේ පළමු හා දෙවැනි එන්නත ලබා ගැනීමට සාපේක්ෂව බූස්ටර් එන්නත ලබා ගැනීමේ යම් අඩුවක් පවතින බවය.
බූස්ටරය සම්බන්ධයෙන් සමාජයේ පැතිර යන අනිසි ප්‍රචාර මෙසේ ජනතාව බූෂ්ටර් එන්නත ලබා ගැනීමට ඇති උනන්දුව හීන වී ඇති බව රාජ්‍ය අමාත්‍යවරයාගේ මතය වී ඇත.
"ඒ අනුව ලබන සෙනසුරාදා සිට සතියක් බූස්ටර් එන්නත ප්‍රවර්ධනය කිරීමේ විශේෂ වැඩපිළිවෙලක් අපි ක්‍රියාත්මක කරනවා. ඒ සතිය ඇතුළත බහුතරයකට බූස්ටර් එන්නත ලබාදෙන්න අපි බලාපොරොත්තු වෙනවා. ලබන සෙනසුරාදායින් එළඹෙන සතිය ඇතුළත බහුතරයකට බූස්ටර් එන්නත ලබාදී එන්නත්කරණ වැඩසටහන අවසන් කිරීමට සූදානම් ” යැයි රාජ්‍ය අමාත්‍ය චන්න ජයසුමන මහතා පවසයි.
