fbpx
තවත්
    මුල් පිටුවspecialවයසට යද්දී පෙනීම බොඳවීයාමට කණ්ණාඩි වෙනුවට බෙහෙතක්

    වයසට යද්දී පෙනීම බොඳවීයාමට කණ්ණාඩි වෙනුවට බෙහෙතක්

    වයසට යාමත් සමග අප බොහෝ දෙනෙකුට ඇතිවන ළඟ ඇති වස්තූන් බොඳවී පෙනීම හෙවත්, වෛද්‍ය විද්‍යාවේදී Presbyopia ලෙසින් හැඳින්වෙන රෝගී තත්ත්වය සඳහා, කණ්ණාඩි පැළඳීම වෙනුවට, Vuity නම් ඖෂධයක් භාවිතය සඳහා ඇමරිකානු Food and Drugs Administration (FDA) ආයතනය විසින් 2021 දෙසැම්බර් මාසයේදී අනුමැතිය ලබාදී ඇති බවට විදෙස් මාධ්‍ය විසින් පසුගියදා වාර්තා කර තිබිණි. මේ නිසා පොත්පත් කියවීම වැනි කටයුතු වලදී පළඳින උපැස් යුවලට විශ්‍රාම යෑමට නුදුරේදීම සිදුවනු ඇති බවට වෛද්‍ය ක්ෂේත්‍රයෙහි බොහෝ දෙනෙක් දැනටමත් අනාවැකි පළකර ඇති බව පැවසේ.

    Pilocarpine Hydrochloride Ophthalmic Solution නම් රසායනික සංයුතියෙන් යුතු Vuity ඖෂධය අනිවාර්යයෙන්ම වෛද්‍යවරයකුගේ නිර්දේශය මත ලබාගත යුතු බවට පැවසෙන අතර එය සාමාන්‍ය පරිදි දිනපතා භාවිතා කලහැකිය. මේ පිළිබඳව අදහස් දක්වමින් ඇමරිකාවේ Rochester’s විශ්ව විද්‍යාලයේ Center for Visual Science ආයතනයේ, අක්ෂි විද්‍යඥ, ආචාර්ය ස්කොට් මැක්රේ විසින් පවසා ඇත්තේ සමීප වස්තූන් දෙස බැලීමේදී අක්ෂි කාචයේ හැඩය වෙනස් කළ යුතු වුවද, වයස්ගතවනව්ට මෙම කාර්යය ක්‍රමයෙන් අපහසු වන බවයි. නමුත් Vuity ඖෂධය මගින්, ඇසේ කණිණිකාව කුඩා කිරීම පහසු කරයි. මේ නිසා දුර ඇති වස්තූන් නිරීක්ෂණය කිරීමට බාධාවක් ඇති නොවන පරිදි, ආසන්නයේ ඇති වස්තූන් වඩාත් හොඳින් නිරීක්ෂණය කිරීමට හැකියාව ලැබෙනු ඇත. මෙය නිසැකවම ලොව පුරා වෙසෙන, සුවහසක් Presbyopia රෝගීන් හට ඉතා සතුටුදායක පුවතක් වනු ඇත.

     

    (මංජුල දීපාල් ද සිල්වා විසින් theplanetaroundus.com ෆේස්බුක් විද්‍යුත් සඟරාවෙහි පළකරන ලද ලිපියකි. තොරතුරු සහ ඡායාරූප අන්තර්ජාලයෙනි)

    මෙම ලියුම්කරු විද්‍යාවේදී, ව්‍යාපාර පරිපාලන (විශේෂ) උපාධිය ශ්‍රී ජයවර්ධනපුර විශ්වවිද්‍යාලයෙන් ද, රාජ්‍ය පරිපාලන පශ්චාත් උපාධිය කොළඹ විශ්ව විද්‍යාලයෙන් ද ලබා ඇති අතර මනෝවිද්‍යාව පිළිබඳව ඩිප්ලෝමා ධාරියෙකි. ශ්‍රී ලංකා විද්වත් වෘත්තික උපදේශක ආයතනයේ සාමාජිකයකු ද වේ. බ්‍රිතාන්‍ය පරිඝණක සංගමයේ ද හිටපු සාමාජිකයෙකි.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    මංජුල ද සිල්වා
    මංජුල ද සිල්වා
    මෙම ලියුම්කරු ව්‍යාපාර පරිපාලන (විශේෂ) උපාධිය ශ්‍රී ජයවර්ධනපුර විශ්වවිද්‍යාලයෙන් ද, රාජ්‍ය පරිපාලන පශ්චාත් උපාධිය කොළඹ විශ්ව විද්‍යාලයෙන් ද ලබා ඇති අතර මනෝවිද්‍යාව පිළිබඳව ඩිප්ලෝමා ධාරියෙකි. ශ්‍රී ලංකා විද්වත් වෘත්තික උපදේශක ආයතනයේ සාමාජිකයකු ද වේ. බ්‍රිතාන්‍ය පරිඝණක සංගමයේ ද හිටපු සාමාජිකයෙකි.

    ඔබේ අදහස් දක්වන්න.