කොරෝනා වසංගතය ආරම්භයෙන් පසුව ලොව ධනවත්ම පුද්ගලයින් දස දෙනාගේ වත්කම් දෙගුණයින් වර්ධණය වී ඇති බවට ඔක්ස්ෆාම් ඉන්ටර්නැෂනල් සංවිධානය අනාවරණය කරයි.
ඒ අනුව ලොව ධනවත්ම පුද්ගලයින් දහසදෙනගේ වත්තම් වංසගතය ආරම්භයෙන් පසුව ඇමරිකානු ඩොලර් බිලියන 700 සිට ටි්‍රලියින 1.5ක් දක්වා වර්ධනය වී ඇති බවත් එම සංවිධානය සඳහන් කරයි.
ඔක්ස්ෆාම් ඉන්ටර්නැෂනල් සංවිධානය ලොව ආදායම් පරතරය අවමකිරීමේ අරමුණින් ක්‍රියාත්මක වන සංවිධානයක් වන අතර එම සංවිධානය අද දින නිකුත් කළ විශේෂ වාර්තාවක් මගින් මේ බව අනාවරණය කර තිබේ.
ඔක්ස්ෆාම් ඉන්ටර්නැෂනල් සංවිධානය පෙන්වාදෙන ආකාරයට කොරෝනා වසංගය ආරම්භ වී ගතවූ මුල් වසර දෙක තුලදී ලොව ධනවත්ම පුද්ගලයින්ගේ වත්කම් සෑම තත්ත්පරයකට ඇමරිකානු ඩොලර් පහලොස් දහසක් එනම් දිනකට ඇමරිකානු ඩොලර් බිලියන 1.3කින් වර්ධනය වී ඇත.
කෙසේ වෙතත් ලොව ජනහනයෙන් සියයට 99කගේම ආදායම් පහළගොස් ඇති අතර කෝටි 16ක ජනතාවක් දරිද්‍රතාවය පත්ව ඇති බවද අදාල සංවිධානය අනාවරණය කරයි.
මෙම සංවිධානය පෙන්වාදෙන ආකාරයට ආදායම් බෙදීයාමේ විෂමතාවය දිනකට සිදුවන මරණ විසි එක්දහසකට හේතුවන බවත් එනම් සෑම තත්ත්පර හතරකට වරක් සිදුවන මරණයකට හේතුවන බවයි.
මේ අතර ලොව ධනවත්ම පුද්ගලයින් දස දෙනාගෙන් ධනයෙන් සියයට 99.999ක් අහිමි වුවත් ලොව ජීවත්වන ඉතිරි සියයට 99ටම වඩා ඔවුන් ධනවත් බවද ඔක්ස්ෆාම් ඉන්ටර්නැෂනල් සංවිධානය විධායක අධ්‍යක්ෂ ගේබි්‍රයල් බුචර් පෙන්වාදෙයි.
