fbpx
තවත්
    මුල් පිටුවදේශීය පුවත්මත්කුඩු කිලෝ 250 ක් සමඟ විදේශිකයන් 06 ක් මහා මුහුදේදී නාවික හමුදා...

    මත්කුඩු කිලෝ 250 ක් සමඟ විදේශිකයන් 06 ක් මහා මුහුදේදී නාවික හමුදා දැලේ

    මත්ද්‍රව්‍ය විශාල තොගයක් රැගත් තවත් විදේශිය ධීවර යාත්‍රාවක් ජාත්‍යන්තර මුහුදේදී නාවික හමුදා අත්අඩංගුවට
    ශ්‍රී ලංකා නාවික හමුදාව ජාත්‍යන්තර මුහුදේ ක්‍රියාත්මක කළ විශේෂ මෙහෙයුමක්‍ මඟින් මත්ද්‍රව්‍ය විශාල ප්‍රමාණයක් ප්‍රවාහනය කරමින් තිබූ තවත් විදේශීය ධීවර යාත්‍රාවක් විදෙස් සැකකරුවන් 06 දෙනෙකු සමඟ අත්අඩංගුවට ගැනීමට කටයුතු කෙරිණි.
    ඩුබායි හී රැදී සිටින මෙරට ප්‍රබල මත්කුඩු ජාවාරම්කරුවෙකුගේ ඇනවුමකට අනුව පකිස්තානයේ සිට මෙරටට රැගෙන එමින් තිබුණු රුපියල් කෝටි 250 කට අධික වටානාකමක් ඇති මත්කුඩු කිලෝ 250 ක් සහිත යාත්‍රාවක් නිවික හමුදාව විසින් මහා මුහුදේ කළ මෙහෙයුමකින් අත්අඩංගුවට ගැනීමට සමත්ව ඇත.

    දින කිහිපයකට පෙර අල්ලාගෙන ඇති එම යාත්‍රාවේ විදෙස් ජාතිකයින් 06 දෙනෙක් සිටින බවත් ලබන සඳුදා වන විට ගොඩබිමට රැගෙන ඒමට හැකිවනු ඇති බවත් නාවික හමුදාව විශ්වාස කරයි.

    ශ්‍රී ලංකා නාවික හමුදාවට ලද බුද්ධි තොරතුරක් මත පොලිස් මත්ද්‍රව්‍ය නාශක කාර්‍යංශය හා එක්ව නාවික හමුදාව විසින් ශ්‍රී ලංකාවට නාවික සැතපුම් 900ක් (කිලෝ මීටර් 1665ක් පමණ) දකුණු දෙසින් වූ ජාත්‍යන්තර මුහුදේ දින ගණනාවක් අඛණ්ඩව ආවේක්ෂණය කරමින් සිදුකරමින් මෙම මෙහෙයුම දියත්කළ බව නාවික හමුදාව සදහන් කරයි.

    නාවික හමුදා අත්අඩංගුවට ගත් උර නවය (09)ක් තුළ පැකට් 225 ක් ලෙස අසුරන ලද මෙම මත් ද්‍රව්‍ය තොගයේ බර කිලෝග්‍රෑම් 250ක් පමණ වෙතැයි විශ්වාස කරන බව නාවික හමුදාව සිය නිල වෙබ් අඩවියේ සදහන් කර තිබේ.

    නාවික හමුදා නිල වෙබ් අඩවියේ මෙසේද සඳහන්ය.

    මෑතකදී ශ්‍රී ලංකා නාවික හමුදාව ගැඹුරු මුහුදේදී සිදු කළ මහා පරිමාන මත්ද්‍රව්‍ය වැටලීම් මඟින් 2021 අගෝස්තු මස 30 වන දින හෙරොයින් මත්ද්‍රව්‍ය කිලෝ 290 අධික තොගයක් රැගත් මෙරට බහුදින ධිවර යාත්‍රාවක් ද, 2021 සැප්තැම්බර් මස 04 සහ 10 වන දිනයන්හීදී පිළිවෙලින් හෙරොයින් මත් ද්‍රව්‍ය කිලෝ ග්‍රෑම් 336කට සහ කිලෝ 170කට අධික තොගයන් ප්‍රවාහණය කරමින් තිබූ විදේශය ධිවර යාත්‍රා දෙකක් ද නාවික හමුදා අත්අඩංගුවට ගැනීමට සමත් විය.

    ඒ අනුව මෙම මෙහෙයුම මඟින් අත්අඩංගුවට ගන්නා ලද මත්ද්‍රව්‍ය තොගයට අමතරව මේ වර්ෂය තුලදී පමණක්, රුපියල් බිලියන 13.16කට අධික විථි වටිනාකමකින් යුත් මත්ද්‍රව්‍ය නීතියේ රැහැනට හසුකර ගැනීමට නාවික හමුදාව සමත් වි ඇත.

    ඒ අනුව, ඉදිරි දින කිහිපය තුළදී ගොඩබිම වෙත රැගෙන ඒමෙන් පසු මෙම මත්ද්‍රව්‍ය රැගත් සැකකටයුතු විදේශීය ධීවර යාත්‍රාව සහ විදේස් ජාතික සැකකරුවන් 06 දෙනා පිළිබඳ ඉදිරි විමර්ශන හා නීතිමය කටයුතු සඳහා පොලිස් මත්ද්‍රව්‍ය නාශක කාර්යාංශය වෙත භාර දීමට නියමිතව ඇත.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.