fbpx
තවත්
    මුල් පිටුවඋණුසුම් පුවත්කාන්දුවක දී ගඳ සුවඳ එන ගෑස් හෙට සිට

    කාන්දුවක දී ගඳ සුවඳ එන ගෑස් හෙට සිට

    ගෑස් කාන්දුවක දී ගඳ සුවඳ හඳුනාගත හැකි මර්කප්ටන් අඩංගු ප්‍රමිතිගත ගෘහස්ත ගෑස් හෙට හෝ අනිද්දා සිට වෙළඳපොළට නිකුත් කිරීමට නියමිත බව රාජ්‍ය අමාත්‍ය ලසන්ත අලගියවන්න මහතා අද(04) දින පාර්ලිමේන්තුවේ දී මෙයට සුළු මොහොතකට පෙර පැවසීය.

    කොළඹ වරායට සේන්දු වී තිබෙන ලිට්රෝ සහ ලාෆ් ගෑස් නෞකා දෙකේ අඩංගු ගෑස් ප්‍රමිතියට අනුකූල බව පරීක්ෂණ වාර්තා තහවුරු කොට ඇතැයි ද හෙතම සඳහන් කළේය.

    මෙලෙස ආනයනය කළ ගෑස් නැව් අධීක්ෂණයට පත් කළ කමිටුවේ ප්‍රතීතන මණ්ඩලය, ශ්‍රී ලංකා ප්‍රමිති ආයතනය,කාර්මික තාක්ෂණ ආයතනය සහ පාරිභෝගික කටයුතු අධිකාරියේ ඊයේ දිනයේ එම නෞකාවල ගෑස් නියැදි ලබාගෙන ශ්‍රී ලංකා ඛනිජතෙල් නීතිගත සංස්ථාවේ පරීක්ෂණාගාරයට යොමුකර තිබිණි.

    ඒ අදාළ වාර්තාව අනුව දැනට ආනයනය කර තිබෙන ගෑස් ප්‍රමිතියට ඇති බව රාජ්‍ය අමාත්‍ය ලසන්ත අලගියවන්න මහතා සඳහන් කරයි.

    පාරිභෝගික කටයුතු පිළිබඳ අධිකාරිය නිකුත් කළ මාධ්‍ය නිවේදනයක දැක්වෙන්නේ ගෘහස්ථ ගෑස් හෙට සිට වෙළඳපොළට නිකුත් කිරීමේ දී පහත සඳහන් තීරණවලට එළැඹි බවයි.

    1. පෙර ආනයනය කරන ලද ගෑස් නිකුත් නොකිරීම

    2. නව තොග නිකුත් කිරීමට ප්‍රථම නියමිත ප්‍රමිතියට අනුව ගඳ සුවඳ හඳුනාගැනීම සඳහා මර්කප්ටන් අඩංගු කිරීම

    3. මෙම නිෂ්පාදනය කරනු ලබන ගෑස් සිලින්ඩර නිෂ්පාදන ක්‍රියාවලියේ දී සෑම 100කින් එකක්ම පරීක්ෂා කර Serial Number කර පාරිභෝගික කටයුතු පිළිබඳ අධිකාරියට ලබා දීම

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.