fbpx
තවත්
    මුල් පිටුවදේශීය පුවත්පාකිස්තාන අගමැතිගෙන් ජනපති ගෝඨාභය වෙත අබුඩාබියට ඇමතුමක්

    පාකිස්තාන අගමැතිගෙන් ජනපති ගෝඨාභය වෙත අබුඩාබියට ඇමතුමක්

    පාකිස්ථාන අග්‍රාමාත්‍ය ඉම්රාන් ඛාන් මහතා විසින් මේ වනවිට අබුඩාබි හි නිල සංචාරයක යෙදී සිටින ජනාධිපති ගෝඨාභය රාජපක්ෂ මහතා වෙත අද දුරකථන ඇමතුමක් ලබාදී තිබේ.

    ඒ පාකිස්තානයේ සියල්කොට් හිදී අන්තවාදී ප්‍රහාරයෙන් මියගිය ප්‍රියන්ත දියවඩන මහතාගේ ඝාතනය සම්බන්ධයෙන් සිය සංවේගය පළ කරමින් එහි විමර්ශනවල තත්ත්වය පැහැදිලි කිරීම සඳහායි.

    “සියල්කොට් හි ප්‍රියන්ත දියවඩන නමැති කළමනාකාරවරයා ඝාතනය කිරීම සම්බන්ධයෙන් ශ්‍රී ලංකාවේ ජනතාවට අපගේ ජාතියේ කෝපය සහ ලැජ්ජාව ප්‍රකාශ කිරීමට අද එක්සත් අරාබි එමීර් රාජ්‍යයේ සිටින ශ්‍රී ලංකා ජනාධිපති ගෝඨාභය රාජපක්ෂ මහතාට කතා කළෙමි. මේ සම්බන්ධයෙන් 100+ පුද්ගලයින් අත්අඩංගුවට ගත් බව මම ඔහුට දන්වා සිටියෙමි. ඔවුන්ට නීතියේ දැඩි ලෙස ක්‍රියාත්මක බවට සහතික වීමි” යැයි ඉම්රාන් ඛාන් අගමැතිවරයා කියා සිටී.

    මේ වනවිට මෙම ඝාතනය සම්බන්ධයෙන් පාකිස්තානයේ පුද්ගලයන් 118 දෙනෙකු අත්අඩංගුවට ගෙන ඇත.

    මෙම ඝාතනය සඳහා පිරිස පෙළඹ වූ ප්‍රධානතම සැකකරුවන් පිරිස ද මේ වනවිට අත්අඩංගුවට ගෙන ඇතැයි එරට බලධාරීහු පවසති.

    කුරානයේ වැකියක් තිබූ පෝස්ටරයක් ඉරා දැමූයේ යැයි එම කර්මාන්ත ශාලාවේ ඒ පිරිසක් ප්‍රියන්ත මහතාට් පහරදී ඝාතනය කර ඇති අතර ඉන් අනතුරුව එහි වැසියන් සමඟ එක්ව පුළුස්සා දමා තිබුණි.

    පොලීසිය එහි යන විටත් ප්‍රියන්ත මහතා මියගොස් තිබී ඇත.

    මෙම ඝාතනය සම්බන්ධයෙන් පාකිස්තානයේ දේශපාලන කලාකරුවන් ආගමික නායකයන් ඇතුළු බොහෝ පිරිසක් හෙළා දැක තිබුණි.

    සිද්ධිය සම්බන්ධයෙන් ප්‍රධාන සැකකරුවන් බව කියන පහත පුද්ගලයන් අත්අඩංගුවට ගත් බවට වාර්තා සඳහන් කළේ ය.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.