පාකිස්ථානයේ දී කෲර ලෙස ඝාතනයට ලක්වූ ප්රියන්ත දියවඩන මහතා ඝාතනය කළ අන්තවාදීන් සියලු දෙනාට එරෙහිව පාකිස්ථාන අගමැති ඉම්රාන් ඛාන් මහතා විසින් නීතිය ක්රියාත්මක කරනු ඇතැයි අපේක්ෂා කරන බව අගමැති මහින්ද රාජපක්ෂ මහතා පවසයි.
ඒ පිළිබඳ අගමැතිවරයා පළ කළ සටහන මෙසේය.
“පාකිස්ථානයේ දී ප්රියන්ත දියවඩන මහතාට අන්තවාදීන් පිරිසක් එල්ල කළ කුරිරු මාරාන්තික ප්රහාරය පිළිබඳ අසා බෙහෙවින් කම්පාවට පත් වුණෙමි.
ඔහුගේ බිරිඳ ඇතුළු පවුලේ සියලු දෙනාට ම මගේ බලවත් කනගාටුව ප්රකාශ කරමි. අගමැති ඉම්රාන් ඛාන් මැතිතුමා මෙම කුරිරු ප්රහාරයට සම්බන්ධ සියලු දෙනාට එරෙහිව නීතිය ක්රියාත්මක කිරීමට කැප වනු ඇතැයි බලාපොරොත්තු වෙමි.” යනුවෙන් අගමැති මහින්ද රාජපක්ෂ මහතා පවසා ඇත.