fbpx
තවත්
    මුල් පිටුවCOVIDඅලුත් කොවිඩ් ප්‍රභේදයට නම් තියන්න WHO අකුරු මඟහැරියේ චීනය නිසා?

    අලුත් කොවිඩ් ප්‍රභේදයට නම් තියන්න WHO අකුරු මඟහැරියේ චීනය නිසා?

    COVID-19 හි දකුණු අප්‍රිකාවෙන් හඳුනාගත් නව ප්‍රභේදය සොයාගැනීමත් සමඟ ‍ලොව පුරා සෞඛ්‍ය අංශ ආර්ථික විශේෂඥයින් පමණක් නොව, දේශපාලන වශයෙන් ද යම් කනස්සල්ලක් හා කතාබහකට ලක්වීමට හේතුවී ති‍බේ.

    ඒ කොවිඩ් ප්‍ර‍භේද නම් කෙරෙන ග්‍රීක හෝඩියේ අකුරු 2ක් අතහැර එය Omicron ලෙස නම් කිරීම ලෝක සෞඛ්‍ය සංවිධානය චීනය කුපිත කරනොගැනීමේ ක්‍රියාමාර්ගයක් දැයි කතාබහට ලක්වී ඇත.

    ලෝක සෞඛ්‍ය සංවිධානය දකුණු අප්‍රිකාවේ ප්‍රථම වරට හඳුනා ගත් නවතම කොරෝනා වයිරස් ප්‍රභේදයේ නම සිකුරාදා ප්‍රකාශයට පත් කරන විට ග්‍රීක හෝඩියේ Nu සහ Xi අකුරු මඟහැර ඇත.

    එම අකුරු WHO වෙබ් අඩවියේ දත්තවලට අනුව, කොවිඩ් ප්‍රභේදයක් සඳහා තවමත් භාවිතා කර නොමැති ග්‍රීක හෝඩියේ ඊළඟ අකුරු විය.

    දේශපාලඥයින් අනුමාන කරන්නේ ‘නව’ යන අර්ථ දෙන Nu අකුර දැමීමෙන් ඇතිවිය හැකි ව්‍යාකූලත්වය වළක්වා ගැනීම සඳහා කණ්ඩායම ‘නු’ මඟහැර චීනයේ නායක ෂී ජින්පින්ග්ගේ නමට ලිඛිත සමානකම ඇති Xi මඟහැර ඇති බව ය.

    WHO මූලාශ්‍රයක් උපුටා දක්වමින් ටෙලිග්‍රාෆ් සංස්කාරකයෙකු සඳහන් කර ඇත්තේ ‘කලාපයක් අපකීර්තියට පත් කිරීමෙන් වළකින්න’ සඳහා Xi මඟ හැර ඇති බවයි.

    වෝල් ස්ට්‍රීට් ජර්නල් භාෂා තීරු ලිපි රචක බෙන් සිමර් ලියා තිබු‍ණේ ‘ව්‍යාකූල විය හැකි Nu සහ Xi නම් මඟ හැර කෙලින්ම Omicron වෙත යාම ගැන WHO වෙත ප්‍රශංසා’ යනුවෙනි.

    ඇතැම් ජාත්‍යන්තර මාධ්‍ය ආයතන විසින් නව කොවිඩ් ප්‍රභේදය නු ලෙස හඳුන්වමින් පුවත් පළකර තිබුණේ ලෝක සෞඛ්‍ය සංවිධානය ඔමික්‍රෝන් නම් කිරීමට පෙරය. ඒ ලැයිස්තුවේ ඊළඟ අක්ෂරය පිළිවෙළින් භාවිත කරමිනි. කෙසේවෙතත් එම මාධ්‍ය ආයතනවල ක්‍රියාව පසුව හාස්‍යයට ද ලක්වී ඇත.

    ලෝක සෞඛ්‍ය සංවිධානය ප්‍රභේද විස්තර කිරීම සඳහා ඇල්ෆා, බීටා සහ ඩෙල්ටා වැනි ග්‍රීක අකුරු භාවිතා කර ඇති අතර, එහි වෙබ් අඩවියේ පවසන්නේ මෙම නාමය “විද්‍යාත්මක නොවන ප්‍රජාව විසින් සාකච්ඡා කිරීම පහසු සහ ප්‍රායෝගික වනු ඇති” බවයි. ඔමික්‍රොන් යනු ලෝක සෞඛ්‍ය සංවිධානය විසින් සැලකිලිමත් විය යුතු ප්‍රභේදයක් ලෙස නම් කරන ලද පස්වන ප්‍රභේදයයි. Lambda, Epsilon සහ Mu ප්‍රභේද සියල්ල ද නම්කිරීමම් බවට පත් කර ඇත.

    නමුත් එක්සත් ජාතීන්ගේ මහජන සෞඛ්‍ය ඒජන්සිය හේතු දෙකක් නිසා Nu සහ Xi මග හැර ඇති බව ප්‍රකාශිකාවක් වන ආචාර්ය මාග්‍රට් හැරිස් පවසා තිබේ.

    ‘නු’ පිළිබඳ තර්කය වූයේ නමකට වඩා එය නව ප්‍රභේදය යැයි සිතා මිනිසුන් ව්‍යාකූල වනු ඇති බවයි. ‘XI’ යන්න පොදු වාසගමක් වන අතර අපකීර්තිය වැළැක්වීම සඳහා ස්ථාන නම්, පුද්ගලයින්ගේ නම්, සතුන් යනාදිය භාවිතා කිරීමෙන් වළකින නීති රීති වලට අපි එකඟ වී ඇත.’

    ලෝක සෞඛ්‍ය සංවිධානයේ වෙබ් අඩවියේ දක්වා ඇති කොවිඩ් ප්‍රභේදවල නම් ලැයිස්තුව.

    ග්‍රීක හෝඩිය

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.