fbpx
තවත්
    මුල් පිටුවඋණුසුම් පුවත්අයවැය 2වැනි වර සම්මතයි - අභියෝග මැද වෙන්න යන දේ මුදල් ඇමති...

    අයවැය 2වැනි වර සම්මතයි – අභියෝග මැද වෙන්න යන දේ මුදල් ඇමති කියයි

    අභියෝගාත්මක පරිසරය මැද වුවත් මෙරට ආර්ථිකය යහපත් වනු ඇතැයි තමා විශ්වාස කරන බවත් අයවැයට සහය දුන් සැමට තුති පුදමින් මුදල් අමාත්‍ය බැසිල් රාජපක්ෂ මහතා පවසයි.

    හෙතෙම මේ බව සඳහන් කළේ 2/3 බහුතරයකින් අද පාර්ලිමේන්තුවේදී ලබන වසර සඳහා වන අයවැය දෙවන වර කියවීමේ ඡන්ද විමසීමෙන් සම්මත වීමෙන් අනතුරුවයි.

    “මෙම අභියෝගාත්මක පරිසරය මධ්‍යයේ වුවද, ශ්‍රී ලංකා ආර්ථිකය වේගවත් හා සෞඛ්‍ය සම්පන්න ප්‍රකෘතියක් දකිනු ඇතැයි මට විශ්වාසයි. මෙම ප්‍රයත්නයේදී සියලුම පාර්ශවකරුවන් අප සමඟ ශක්තිමත්ව සිටිනු ඇතැයි මම විශ්වාස කරමි.
    2022 අයවැය ඉදිරිපත් කිරීමේදී මට සහය දුන් සියලු දෙනාටම මම ස්තූතිවන්ත වෙමි.” යැයි ද මුදල් අමාත්‍යවරයා කීය.

    අද පස්වරුවේ පැවති අයවැය දෙවන වර ඡන්ද විමසීම වැඩි ඡන්ද 93කින් සම්මත විය.

    ඡන්ද 153 අයවැයට පක්ෂව ලැබුණු අතර විපක්ෂව ඡන්ද 60 ක් ලැබුණි.

    අමාත්‍ය ගාමිණී ලොකුගේ මහතා, පාර්ලිමේන්තු මන්ත්‍රී සමන්ප්‍රිය හේරත් මහතා සහ පාර්ලිමේන්තු මන්ත්‍රී ටිරාන් අලස් මහතා කොවිඩ් තත්වය නිසා අද දින පාර්ලිමේන්තුවට පැමිණ සිටියේ නැත.

    අයවැය තුන්වන වර කියවීමේ ඡන්ද විමසීම දෙසැම්බර් මස 10 වනදා පැවැත්වෙයි.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.