fbpx
තවත්
    මුල් පිටුවදේශීය පුවත්රංජන් මඩුගල්ලේ අද පිහිටුවන වාර්තාව

    රංජන් මඩුගල්ලේ අද පිහිටුවන වාර්තාව

    ශ්‍රී ලංකාව සහ බටහිර ඉන්දීය කොදෙව් දූපත් අතර අද (21) ගාල්ලේ දී ආරම්භවන ටෙස්ට් තරගයේ තරග තීරක ලෙස කටයුතු කිරීමත් සමඟ සිය ටෙස්ට් තරග තීරක දිවියේ 200 වැනි කඩඉම ළඟා කර ගැනීමට රංජන් මඩුගල්ලේ මහතා සමත්ව සිටියි.

    අන්තර්ජාතික ක්‍රිකට් කවුන්සිලය මෙම අවස්ථාව ලබා දීමත් සමඟ ලොව ටෙස්ට් තරග 200ක තීරක ලෙස කටයුතු කළ පළමු පුද්ගලයා ලෙස රංජන් මඩුගල්ලේ මහතා ඉතිහාසයට එක්වෙයි.

    1993 වසරේ පාකිස්ථානය සහ සිම්බාබ්වේ අතර පැවැති ටෙස්ට් තරගයේ තීරක ලෙස කටයුතු කරමින් මඩුගල්ලේ මහතා ටෙස්ට් තරග තීරක කාර්යය ආරම්භ කර තිබිණි.

    මේ වනවිට හැට දෙවැනි වියෝ පසුවන රංජන් මඩුගල්ලේ මහතා පසුගියදා නිමාවට පත් විස්සයි 20 ලෝක කුසලාන අවසන් මහා තරගයේ තීරකවරයා ලෙස ද කටයුතු කළේය.

    ශ්‍රී ලංකාව වෙනුවෙන් ටෙස්ට් තරග 21 කට ක්‍රීඩා කර ඇති රංජන් මඩුගල්ලේ මහතා අවස්ථා දෙකකදී ශ්‍රී ලංකා කණ්ඩායමේ නායකයා ලෙසින්ද කටයුතු කර ඇති රංජන් මඩුගල්ලේ මහතා එක්දින තරග 63කට එක්වී ඉන් 13කට නායකත්වය දී තිබේ.

    මඩුගල්ලේ මහතාගේ මෙම වාර්තාවට ආසන්නයෙන් සිටින තීරකයා ක්‍රිස් බ්‍රෝඩ් ය. ඔහු මේ වනවිට ටෙස්ට් තරග 112ක තීරක කාර්යය ඉටු කර තිබේ.

    කෙසේ වෙතත් ක්‍රිස් බෝඩ්ට උවද රංජන් මඩුගල්ලේ ගේ ඉලක්කයට ළඟාවීම අපහසු බව ක්‍රිකට් විචාරකයන්ගේ මතයයි.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.