අමෙරිකාවේ උප ජනාධිපති කමලා හැරිස් ජනාධිපති බලතල ලැබූ පළමු කාන්තාව බවට අද පත් විය.
ඒ ජනපති ජෝ බයිඩන් සිය සෞඛ්‍ය පරීක්ෂාවකට ලක් වීම සඳහා තාවකාලිකව සිය ජනපති බලතල උප ජනාධිපතිවරියට පැවරීම හේතුවෙනි.
අද උදෑසන ජනාධිපතිවරයා වෛද්‍ය පරීක්ෂණයක් වෙනුවෙන් නිර්වින්දනය කෙරෙන බැවින් බයිඩෙන් ව්සින් එම විනාඩි 85 ක පමණ කාලය සඳහා හැරිස් වෙත බලය මාරු කළේය.
වෛද්‍ය පරීක්ෂණය බිඩෙන් ජනාධිපති ලෙස පත් වූ පසුව සිදු කළ ප්‍රථම පරීක්ෂණය වූ අතර ඔහුගේ 79 වැනි උපන්දිනයට ආසන්න දිනක දී මෙය සිදුවිය.
හැරිස් ඒ අනුව එක්සත් ජනපද හමුදාවේ සහ න්‍යෂ්ටික අවිවල පාලනය එම අවස්ථාවේදී තාවකාලිකව ලබා ගත්තාය.
