fbpx
තවත්
    මුල් පිටුවඋණුසුම් පුවත්මුරුත්තෙට්ටුවේ හිමිගේ පත්වීමට කොළඹ සරසවියේ තවත් පීඨයකින් විරෝධයක්

    මුරුත්තෙට්ටුවේ හිමිගේ පත්වීමට කොළඹ සරසවියේ තවත් පීඨයකින් විරෝධයක්

    කොළඹ විශ්ව විද්‍යාලයේ කුලපතිවරයා ලෙස මුරුත්තෙට්ටුවේ ආනන්ද නාහිමියන් පත්කිරීම පිළිබඳ අප්‍රසාදය පළකරන බව කොළඹ විශ්ව විද්‍යාලයේ කළමනාකරණ සහ මූල්‍ය පීඨය නිවේදනයක් නිකුත් කරමින් සඳහන් කරයි.

    විශ්ව විද්‍යාලයක කුලපතිවරයා බහුවාර්ගික හා බහුආගමික සංකල්පයට ගරු කළයුතු අතර මුරුත්තෙට්ටුවේ නාහිමියන්ගෙන් එවැන්නක් බලාපොරොත්තු විය නොහැකි බව ද එම නිවේදනයේ සඳහන් කර තිබේ.

    කොළඹ විශ්ව විද්‍යාලය හෙද පීඨයකින්ද සමන්විත විශ්ව විද්‍යාලයක් වන අතර හෙද වෘත්තීය සමිතියක නායකයෙකු කුලපති ධූරයට පත් කිරීම ලබැඳියාවන් අතර ගැටුමක් හට ගැනීමක් වන බවද එම නිවේදනයේ වැඩිදුරටත් සඳහන් කර තිබේ.

    කොළඹ විශ්වවිද්‍යාලය ගෞරවනීය තත්ත්වයක් ලබා සිටින විශ්වවිද්‍යාලයක් හෙයින් ඊට පත්වන කුලපතිවරයා විශිෂ්ට ශාස්ත්‍රීය හා සමාජයීය වැදගත්කමකින් යුතු පුද්ගලයකු විය යුතු වීම සම්මතය වන නමුත් මුරුත්තෙට්ටුවේ නාහිමියන් පත්කිරීමෙන් එම සම්මතය අභියෝගයට ලක් කර ඇතැයි එම පීඨය නිකුත් කළ නිවේදනයේ වැඩිදුරටත් සඳහන් වේ.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.