දෙමටගොඩ රුවන්ට අයත් රුපියල් කෝටි 05 ක මුදලක් දෙමටගොඩ පිහිටි පෞද්ගලික බැංකුවකින් සොයාගැනීමට අපරාධ පරීක්ෂණ දෙපාර්තමේන්තුවේ නීතිවිරෝධී වත්කම් හා දේපළ විමර්ශන ඒකකය සමත්ව ඇත.
දෙමටගොඩ රුවන්ගේ බිරිඳගේ සහ පුතාගේ නමින් ඇති ස්ථාවර තැන්පතු වල ඒම මුදල් තැන්පත්කර තිබුණු බව උසස් පොලිස් නිලධාරියෙක් සදහන් කළේය. එම ගිණුමේ මුදල් සංසරණය තාවකාලිකව තහනම් කළ බවද ඒම නිලදාරියා කීය.
එමෙන්ම ඔවුන්ට අයත් කෝටි එකහමාරක් වටිනා රත්රං සහිත සේප්පුවක් ද අපරාධ පරීක්ෂණ දෙපාර්තමේන්තුවේ නීතිවිරෝධී වත්කම් හා දේපළ විමර්ශන ඒකකය විසින් සිය භාරයට ගෙන තිබේ.
දෙමටගොඩ රුවන්ගේ බිරිඳගේ නමින් ඇති බැංකු ගිණුම් 03 ක ඇති රුපියල් කෝටි දෙකකට අධික මුදලක් සම්බන්දයෙන්ද චමින්දට අයත් බව කියන බැංකු සේප්පු දෙකක් සම්බන්ධයෙන්ද, රුවන්ලාට අයත් රුපියල් කෝටි එකහාමාරක් පමණ වටිනා රන් භාණ්ඩ මෑතකදී ඔහුගේ ඥාතියෙක් විසින් උකස් කිරීම සම්බන්ධයෙන්ද විමර්ශන පැවැත්වෙන බව ද අපරාධ පරීක්ෂණ දෙපාර්තමේන්තුව සඳහන් කරයි.
රුවන්ට අයත් මුදල් හෝ දේපොළ තිබේදැයි සොයා බැංකු සහ මූල්ය සමාගම් 53ක ගිණුම් පරීක්ෂාවක්ද ඉදිරියේදී සිදුකරන බවත් අපරාධ පරික්ෂණ දෙපාර්තමේන්තුව පවසයි.