ගෘහස්ත ගෑස් සිලින්ඩර හිඟය තවත් දින 6 ක් තුළ විසදෙනු ඇති බව ලිට්‍රෝ ගෑස් සමාගම පවසයි.
ලක්ෂ 8 කට අධික ප්‍රමාණයක් මෙම සතිය තුළ වෙළඳපොලට නිකුත් කරන බව එම සමාගම සඳහන් කරයි.
ලාෆ්ස් ගෑස් සමාගමේ නිෂ්පාදන කටයුතු අදාළවීම හේතුවෙන් අතිරේක ඉල්ලුමක් සිය සමාගම වෙත පැවරීම පවතින ගෑස් හිඟයට හේතුවී ඇති බව ලිට්‍රෝ ගෑස් සමාගමේ අලෙවි හා වෙළඳ අධ්‍යක්ෂ ජනක පතිරත්න සඳහන් කරයි.
දිනකට සාමාන්‍ය ඉල්ලුමට වඩා 25%ක අතිරික්තයක් වෙ‍ළෙඳපොළට නිකුත් කරමින් සිටින බව ද හෙතෙම කීය.
පසුගිය සතියේත් ගෘහස්ත ගෑස් සිලින්ඩර ලක්ෂ 7 ක ප්‍රමාණයක් වෙළඳපොලට නිකුත් කළ බවද ඔහු සඳහන් කළේය.
