ජ්‍යෙෂ්ඨ නියෝජ්‍ය පොලිස්පති රන්මල් කොඩිතුවක්කු මහතා විසින් පුද්ගලයෙකුට පහරදීම සම්බන්දයෙන් වූ විමර්ශන කටයුුතු ඊයේ සිට ආරම්භ වී ඇත.
පොලිස් විශේෂ විමර්ශන ඒකකයේ නිලධාරීන් කණ්ඩායමක් කිරිඇල්ලට ගොස් ඇසින්දුටු සාක්ෂි පවා මේ වන විට රැස්කරමින් සිටී.
මෙම විමර්ශනය සම්බන්ධයෙන් මහජන ආරක්ෂක අමාත්‍යාංශයේද විශේෂ අවධානයක් යොමුකර ඇති බව පොලිස් තොරතුරු සදහන් කළේය.
සිය වාහනය ඉස්සර කරමින් ගමන් කළ වාහනයක රියදුරෙකුට රන්මල් කොඩිතුවක්කු මහතා විසින් පහරදෙනු ලබන්නේ රත්නපුර කිරිඇල්ල මාර්ගයේදීය. එහිදී එම රියදුරාව කිරිඇල්ල පොලිස් ස්ථානයට රැගෙනගොස් නිරුවත්කර අඩත්තේට්ටම් කළ බවටද රන්මල් කොඩිතුවක්කු මහතාට එරෙහිව චෝදනා එල්ල වී ඇත.
