fbpx
තවත්
    මුල් පිටුවදේශීය පුවත්ගංඟා රැසක් පිටාර ගැලීමේ අවධානමක

    ගංඟා රැසක් පිටාර ගැලීමේ අවධානමක

    දැඩි වර්ෂාව හේතුවෙන්කැලණි, නිල්වලා, කළු ඇතුළු ගංඟා සහ ඇලදොල රැසක් පිටාර ගැලීමේ අවධානමක් මේ වන විට මතුව ඇතැයි වාරිමාර්ග දෙපාාර්තමේන්තුව සදහන් කරයි.

    කැලණි ගඟ ද්‍රෝණියේ ඉහළ ප්‍රදේශවල ගංඟාවේ ජල මට්ටම සැලකිය යුතු ලෙස ඉහළ ගොස් ඇති බැවින් දෙහිඕවිට, රුවන්වැල්ල, සීතාවක, දොම්පේ, කඩුවෙල, බියගම, කොළොන්නාව, කොළඹ සහ වත්තල ප්‍රාදේශීය ලේකම් කොට්ඨාශවල පහත් බිම්වල සුළු ගං වතුර අවදානමක් පවතින බව වාරිමාර්ග දෙපාර්තමේන්තුව සදහන් කරයි.

    නිල්වලා ගඟ සහ කළු ගඟේ ජල මට්ටමද ඉහළයමින් පවතින බැවින් ඇතැම් ස්ථානවල පහත් බිම් ජලයෙන් යටවීමේ අවදානමක් පවතින බවද වාරි මාර්ග දෙපාර්තමේන්තුව විසින් අද නිකුත් කළ නිවේදනයක දැක්වේ.

    මහඔයේ ජල මට්ටමද ඉහළයාම හේතුවෙන් වරදගොල්ල, නාඋල්ල, දිවුල්දෙණිය සහ වැලිහිද ග්‍රාමසේවා ප්‍රදේශ මෙන්ම අලව්ව, මීරිගම, වෙන්නප්පුව, මීගමුව සහ කටාන ප්‍රාදේශීය ලේකම් කොට්ඨාසවල පහත් බිම්ද මේ වන විට ජලයෙන් යටවීමේ අවදානමක් පවතී.

    ඊට අමතරව සීතාවක ගඟ ද පිටාර මට්ටමේ පවතින බව වාරිමාර්ග දෙපාර්තමේන්තුව සදහන් කරයි.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.