ආණ්ඩුවේ සහ විපක්ෂයේ මන්ත්‍රීවරුන්ට පාර්ලිමේන්තුවේ දී අගමැතිවරයාගෙන් ප්‍රශ්න ඇසීම සඳහා නොවැම්බර් මස 10 වැනි දා අවස්ථාව ලබාදීමට පාර්ලිමේන්තු කටයුතු පිළිබඳ කාරක සභාව තීරණය කර තිබේ.
ආණ්ඩුවේ සහ විපක්ෂයේ මන්ත්‍රීවරුන්ට එදින ප්‍රශ්න දෙක බැගින් විමසා අගමැතිවරයාගේ විමසා පිළිතුරු ලබා ගත හැකි බව ද සභානායක දිනේෂ් ගුණවර්ධන මහතා කියයි.
තවද නොවැම්බර් මස 8 වැනි දින විශේෂ පාර්ලිමේන්තු දිනයක් ලෙස ප්‍රකාශයට පත් කිරීමට ද තීරණය කර තිබේ.
වසංගතය හේතුවෙන් පාර්ලිමේන්තු රැස්වීම් නියමිත පරිදි පැවැත්වීමට නොහැකිවීම නිසා ආණ්ඩුවෙන් විමසීමට මන්ත්‍රීවරුන් ඉදිරිපත් කළ ප්‍රශ්න පනහකට මෙමගින් පිළිතුරු ලබා ගැනීමට අවස්ථාව හිමි වන බවද සභානායකවරයා කියයි.
