fbpx
තවත්
    මුල් පිටුවඋණුසුම් පුවත්බ්‍රිතාන්‍ය මන්ත්‍රීවරයෙක් පිහි ඇනුමකින් මරුට

    බ්‍රිතාන්‍ය මන්ත්‍රීවරයෙක් පිහි ඇනුමකින් මරුට

    පිහි ඇණුමකට ලක්විමෙන් බ්‍රිතාන්‍යයේ කෙන්සවේටිව් පක්ෂයේ පාර්ලිමේන්තු මන්ත්‍රීවරයෙකු වන ශ්‍රීමත් ඩේවිඩ් ඒමස් මර්ණයට පත්ව තිබේ.

    හැට නව හැවරිදි වියේ පසුවූ මන්ත්‍රීවරයා නැගෙනහිර එංගලන්තය ආසන්නයේ අද දහවල් දේවස්ථානයකදී සිය ඡන්ද දායකන්න හමුවූ අවස්ථාවේදී මෙම ප්‍රහාරයට ලක්ව ඇත.

    පිහි ඇණුම සම්බන්ධයෙන් සැකපිට 25 හැවිරිදි පුද්ගලයෙකු අත් අඩංගුවට ගෙන ඇති අතර ඔහු විසින් මන්ත්‍රීවරයාට පිහි පහරවල් කිහිපයක්ම එල්ල කර ඇති බව සිද්ධිය ඇසින් දුටුවන් ප්‍රකාශ කරයි.

    කෙසේ වෙතත් ප්‍රහාරවලින් දරුණු තුවාල ලැබූ මන්ත්‍රීවරයා එම ස්ථානයේදීම මරණයට පත්ව ඇති බවට බි්‍රතාන්‍ය මාධ්‍ය වාර්තා කරයි.

    සැකකරු සමඟ පහරදීම සිදු කළ පිහියද සොයා ගැනීමට බ්‍රිතාන්‍ය පොලිසිය සමත්ව ඇති අතර පහරදීමට හේතු මේ වන තෙක් අනාවරණය කර ගැනීමට නොහැකි වී ඇති බවද පොලිසය සඳහන් කරයි.

    පිහි පහරින් මරණට පත්වූ මන්ත්‍රීවරයා 1983 වර්ෂයේ සිට මන්ත්‍රීවරයෙකු වශයෙන් කටයුතු කර ඇති අතර 2015 වර්ෂයේදී ඔහුගේ සමාජ සේවා කටයුතු වලට බ්‍රිතාන්‍යය මහ රැජින විසින් ඔහුට නයිට් පදවියක්ද ලබාදෙනු ලැබ තිබේ.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.