නවසීලන්තයේ ඕක්ලන්ඩ් සුපිරි වෙළඳසැලක දී පිහි පහරින් 7 දෙනකුට තුවාල සිදුකොට පොලිස් වෙඩි පහරින් මියගිය අන්තවාදි තරුණයා වූ අහමඩ් අතිල් මොහොමඩ්ට මානසික සෞඛ්‍ය පිළිබඳ ගැටලුවලින් පීඩිවිඳි අයෙක් බවට සම්සුදීන්ගේ පවුල ප්‍රකාශයක් නිකුත් කර තිබේ.
මෙම තරුණයාට 2013 වසරේදී ලද එරට සරණාගතභාවය ඔහුගේ හැසිරීම් හේතුවෙන් එල්ල වූ ප්‍රධාන චෝදනා 5ක් නිසා 2018 වසරේදී ඉවත් කරන ලදී.
ඔහු ඒ වනවිට ලැබූ චෝදනා කිහිපයකට සිරදඩුවම් ලැබ බන්ධනාගාර ගත කරන ලදී.
එහිචී ඔහු ශ්‍රී ලංකාවට නෙරපා හැරීමට තීරණය කළ ද ජීවිතයට යම් අනතුරක් සිදුවේය යන ගැටලුව මතුවූයෙන් ඔහුගේ නීතිමය කටයුතු අවසන් වනතෙක් සරණාගතභාවය තවදුරටත් තැබීමට පියවර ගත් බව ඔහුගේ අධිකරණ වාර්තාවේ දැක්වේ.
ඔහුගේ සොයුරු ආරෝස් විසින් කරන ලද ප්‍රකාශය කැන්ටබරි මුස්ලිම් සංගමය සහ අල් නූර් මුස්ලිම් පල්ලිය විසින් නිකුත් කරන ලද අතර එහි මෙසේ ද දැක්වේ.
“ඊයේ සිදු වූ බිහිසුණු ක්‍රියාවෙන් පීඩාවට පත් වූවන්ට අපේ ආදරය සහ සහයෝගය ලබා දීමට අපේ පවුලේ අය කැමති බව පැවසීමෙන් මේ ප්‍රකාශය අපි ආරම්භ කිරීමට කැමතියි. සිදු වූ දෙයින් අපි දැඩි ලෙස කලබලයට පත් වී ඇති අතර කුමක් කළ යුතු යැයි අපි නොදනිමු. ඔබේ ලස්සන රටට සාමය ගෙන ඒමට මෙම වචන උපකාරී වේ යැයි අපි බලාපොරොත්තු වෙමු. අපෙන් කුමක් අවශ්‍ය වුවත් මෙම කම්පනය සමනය කිරීමේ ක්‍රියාවලියේදී ඔබ සැමට උපකාර කිරීමට අපි සූදානම්. ආදිල්ගේ සිද්ධියේදී කුමක් සිදු වූවාද සහ මෙය වලක්වා ගැනීමට අප සැමට කුමක් කළ හැකිදැයි ඔබ සැමගෙන් දැනගැනීමට අපි බලාපොරොත්තු වෙමු. මෙම බිහිසුණු සිදුවීම ගැන අපි ද කම්පා වෙමු. මගේ සහෝදරයා මියගොස් ඇති බව මගේ පියා තවමත් නොදන්නා නිසා ඔහු මේ දිනවල බොහෝ සෙයින් අසනීපයෙන් සිටියේය. අවාසනාවන්ත ලෙස ආතිල් තම ජීවිතයේ යම් මානසික සෞඛ්‍ය ගැටලුවකින් පීඩා වින්දා. නිවසේදී දේශපාලන වධහිංසා පැමිණවීමේදී ඔහු බොහෝ දුක් වින්දා. ඔහුට ජීවත් වීමට අවශ්‍ය රට සොයා ගැනීම ගැන අපි කෘතඥ වෙනවා. ”
පසුගිය අවුරුදු 10 තුළ ඔහුගේ මානසික සෞඛ්‍යය නරක අතට හැරෙමින් තිබෙන බව අපි දුටුවෙමු. ඔහු වැඩි කාලයක් සිරගෙදර ගත කළ අතර සමහර අධිකරණ කටයුතු සහ නඩු සමඟ නිතරම පොරබදමින් සිටියේය. ඔහු නවසීලන්තයේ සිරගතව සිටින බව ආරංචි වූ විට, එයින් ඔහුට යම් යහපතක් සිදු වේ යැයි අපි සිතූ නමුත් ඔහු එතරම් කාලයක් එහි ගත කරන බව නොතේරුණි. සිරගෙදරදී ද ඔහුට ගැටලු රාශියක් තිබුණි. ඔහුට සැමවිටම අවශ්‍ය වූයේ උපකාරය සහ සහයෝගයයි. ඔහු හැම විටම අපට කීවේ එයයි. ආතිල් වැඩි කාලයක් අන්තර්ජාලයේ ගත කළ අතර එය අප දුටු ගැටලුවකි. ඔහුට අවශ්‍ය වූයේ ලංකාවේ සිටින ඔහුගේ මිතුරන් ෆේස්බුක් තුළින් ආකර්ෂණය කර ගැනීමටයි. ඔහුට අවශ්‍ය වූයේ දුක සහ අයුක්තිය බෙදා ගැනීමට ය. ඔහු තමා දුටුවේ එම අසාධාරණයන්ට එරෙහිව සටන් කරන්නකු ලෙස ය. ” යනුවෙන් සොයුරු ආරෝස් පවසා තිබේ.
