සංවිධානාත්මක අපරාධ මර්දනය කරමින් පාතාල කටයුතු අඩපන කිරීමට ජනපති නියමයෙන් විශේෂ පොලිස් කණ්ඩායමක් ස්ථාපිත කර තිබේ.
බස්නාහිර පළාත් ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාගේ අධික්ෂණය යටතේ බස්නාහිර උතුර නියෝජ්‍ය පොලිස්පති වරුණ ජයසුන්දර මහතාගේ නායකත්වයෙන් එම පොලිස් කණ්ඩායම ක්‍රියාත්මකවේ.
එම කණ්ඩායමට තෝරාගෙන ඇත්තේ පොලිස් විශේෂ කාර්ය බලකායේ සේවය කරනු ලබන පාතාල අපරාධ මර්දනයේ දක්ෂතා දක්වා ඇති නිලධාරීන් කණ්ඩායමකි. එම කණ්ඩායමට විශේෂ කාර්ය බලකායේ බුද්ධි අංශයේ නිලදාරීන්ද ඇතුලත්වන බව පොලිස් තොරතුරු අනාවරණය කළේය. එම කණ්ඩායම ක්‍රියාත්මක වන්නෙ සියළු බල තල සහිතවය. වැඩ බලන පොලිස්පති සී.ඩී, වික්‍රමරත්න මහතාද එම කණ්ඩායමට අවශ්‍ය සියළු පහසුකම්ද සපයාදීමට පියවර ගෙන තිබේ.
