ඔරුවක නැගී කලපුව හරහා ගමන් කළ පුද්ගලයකුව කිඹුලෙකු විසින් ඩැහැගෙන ගොස් ඇති බව වාලච්චේන පොලිසිය සඳහන් කරයි.
සුංගන්කේනි කලපුවේ සිට පුලිපංචිකල් කලපුවට තවත් අයෙක් සමඟ ඔරුවෙන් ගොස් බසින විට කිඹුලා ඔහුව ඩැහැගෙන ගොස් ඇත.
පසුගිය 20 වෙනිදා සවස් කාලයේදී මෙම සිදුවීම වී ඇති බව පොලිසිය සඳහන් කළේය. කිඹුලා විසින් ඩැහැගෙන ගිය පුද්ගලයාගේ සිරුර ඊයේ (21) කලපුවේ තිබී හමුවී ඇත. සිරුරේ යට කොටස කිඹුලා විසින් කා දමා ඇතැයි පොලිසිය කියයි.
මෙසේ කිඹුල් ප්‍රහාරයකින් මියගොස් ඇත්තේ 38 හැවිරිදි වියේ පසුවන සුංගන්කේනි හී පදිංචිකරුවෙකි. විමර්ශන වලින් අනාවරණය වී ඇත්තේ ඔහු සහ අනිත් පුද්ගලයා පුලපංචිකල් කලපුව වෙත ගොස් ඇත්තේ නීති විරෝධි මත්පැන් පෙරීම සඳහා බවය.
