මේ වන විට පාස්කු ප්‍රහාරයේ විමර්ශණ වල ප්‍රතිඵල තිබෙන බවත් සොයා ගත යුතු කරුණු හයකින් දෙකක් මේ වන විට සොයාගෙන ඇති බවත් ජනාධිපති අනුර කුමාර දිසානායක මහතා පැවසීය.
ජනාධිපතිවරයා එසේ ප්‍රකාශ කළේ, ඊයේ(22) ගම්පහ පැවැති ජන රැළියක් අමතමිණි. ඉදිරි පළාත් පාලන මැතිවරණය වෙනුවෙන් ජාතික ජන බලවේගය විසින් මෙය සංවිධානය කර තිබිණ.
පාස්කු ප්‍රහාරයට අවුරුදු හයක් වුවාට පහ හමාරම විමර්ශණ යටපත් කළ බවද මෙහිදී ජනාධිපතිවරයා ප්‍රකාශ කළේය. එහි කටයුතු පසුගිය මාස 06තුළ ආරම්භ වූ බවත් මීට පෙර ප්‍රකාශ කළ අන්දමට කරුණු 06කින් දෙකක් පිළිබඳව කරුණු නිරාකරණය කරගෙන තිබෙන බවත් ජනාධිපතිවරයා කීය.
වව්නතිව් ප්‍රදේශයට ගොස් ජැකට් එක දැම්මේ කවුද?මෙන්ම එෆ් බී,අයි. ආයතනය විසින් දුන් ඉමි අංකයක් ඔස්සේ ඊට අවශ්‍ය දුරකතනය පිළිබඳ තොරතුරුත් සොයා ගෙන තිබෙන බවද ජනාධිපතිවරයා මෙහිදී සඳහන් කළේය.
