අම්බලන්තොට කඩවර වැව අසලදී පුද්ගලයකුට වෙඩි තබා ඝාතනය කිරීමට තැත් කළ අපරාධයකට සම්බන්ධ ප්‍රධාන සැකකරුට රැකවරණය ලබාදීම සහ ඔහුව සඟවාගෙන සිටීම සම්බන්ධයෙන් කිරින්ද පොලිස් ස්ථානයේ සේවයේ නිරත උප පොලිස් පරීක්ෂකවරයෙක් සහ ඔහුගේ බිරිඳ තංගල්ල කොට්ඨාශ අපරාධ විමර්ශන කාර්යාංශයේ නිලධාරීණ් විසින් ඊයේ අත්අඩංගුවට ගෙන ඇත.
මෙම වෙඩි තැබීම පසුගිය ජනවාරි 22 වෙනිදා සිදුවිය.
මෙහි වෙඩික්කරු වන කඩවර ඉෂාර නැමැත්තාට මෙසේ රැකවරණය ලබාදී ඇති බව පොලිසිය කියයි.
මේ සම්බන්ධයෙන් විමර්ශන පවත්වා සැකකාර උපපොලිස් පරීක්ෂකවරයාත් ඔහුගේ බිරිඳත් අත්අඩංගුවට ගැනීමෙන් පසු උප පොලිස් පරීක්ෂකවරයාගේ වැඩ තහනම් කිරීමටද තංගල්ල කොට්ඨාශයභාර ජ්‍යෙෂ්ඨ පොලිස් අධිකාරීවරයා පියවර ගත්තේය.
