ලබන ජනවාරි මස පළවෙනි දින සිට රාජ්ය සේවයේ එක් එක් ශ්රේණිවල ආරම්භක වැටුප අදියර කිහිපයක් ඔස්සේ වැටුප් වැඩි කිරීමේ පටිපාටිය නිකුත් කර තිබේ.
කාර්යාල කාර්ය සහායක/ තුන්වන ශ්රේණියේ වැටුප් වැඩිවන්නේ රුපියල් 5450කිනි.
දෙවන ශ්රේණිය සඳහා රුපියල් 8760ක් හා පළමු ශ්රේණිය සඳහා රුපියල් 10950ක වැටුප් වැඩිවීමක් සිදුවේ.
විශේෂ ශ්රේණියේ වැටුප් ඉහළ දමා තිබෙන්නේ රුපියල් 13980කිනි.
රියදුරු තුන්වන ශ්රේණියේ වැටුප රුපියල් 6960කින් ඉහළ දමා ඇත.
දෙවන ශ්රේණියේ වැටුප 9990කින් වැඩිවන අතර පළමු ශ්රේණියේ වැඩිවීම රුපියල් 13020කි.
විශේෂ ශ්රේණිය සදහා රුපියල් 16340ක් වැටුප් වැඩිවීමක් හිමිවෙයි.
සමෘද්ධි සංවර්ධන නිලධාරීන් තුන්වන මට්ටම සදහා වැටුප වැඩි වන්නේ රුපියල් 8340කිනි.
දෙවන ශ්රේණියට රුපියල් 11690ක් සහ පළමු ශ්රේණියට රුපියල් 15685ක වැටුපක් හිමිවේ.
කළමනාකරණ සහකාර තුන්වන ශ්රේණියේ වැටුප රුපියල් 10140කින් වැඩිවන අතර දෙවන ශ්රේණිය සඳහා රුපියල් 13490කින් ඉහළ නැංවීමටයි යෝජනා වී තිබේ.
පළමු ශ්රේණියේ වැටුප වැඩිවන්නේ රුපියල් 17550කිනි.
සංවර්ධන නිලධාරී තුන්වන ශ්රේණියට රුපියල් 12710ක වැටුප් වැඩිවීමක් හිමිවේ.
දෙවන ශ්රේණියට රුපියල් 17820ක් හා පළමු ශ්රේණියට රුපියල් 25150ක වැඩිවීමක් සිදුවේ.
මහජන සෞඛ්ය පරික්ෂක හා පවුල් සෞඛ්ය සේවිකා තුන්වන ශ්රේණියට වැටුප් වැඩිවන්නේ රුපියල් 12885කින් එහි දෙවන ශ්රේණිය රුපියල් 17945ක් සහ පළමු ශ්රේණියට රුපියල් 25275ක් හිමි වේ.
විකිරණවේදී සහ ඖෂධවේදී තුන්වන ශ්රේණියට වැඩිවන වැටුප රුපියල් 13280කි.
එහි දෙවන ශ්රේණියට රුපියල් 18310ක් සහ පළමු ශ්රේනිය වෙනුවෙන් රුපියල් 25720කින් වැටුප් ඉහළ දැමීමට යෝජනා වී තිබේ.
හෙද නිලධාරී තුන්වන ශ්රේණියේ වැටුප රුපියල් 13725කින් වැඩි කිරීමට යෝජනා වී ඇති අතර දෙවන ශ්රේණිය සඳහා රුපියල් 18835ක් සහ පළමු ශ්රේණිය වෙනුවෙන් යෝජනා වී ඇති වැටුප් වැඩිවීම රුපියල් 26165කි.
විදුහල්පති තුන්වන ශ්රේණිය සදහා රුපියල් 23425කින් වැටුප් ඉහළ නැංවේ.
එහි දෙවන ශ්රේණියට රුපියල් 29935ක් හා තුන්වන ශ්රේනියට රුපියල් 39595කින් වැටුප් වැඩි කිරීමටයි සැලසුම් කර තිබේ.
ගුරු සේවයේ විද්යාපීඨ ගුරුවරුන්ට වැටුප් වැඩිවන්නේ රුපියල් 17480කිනි.
උපාධි ගුරුවරුන් සදහා රුපියල් 19055ක වැටුප් වැඩිවීමක් යෝජනා වී තිබේ.
දෙවන ශ්රේණියේ වැටුප් වැඩිවීම 20425කි.
පළමු ශ්රේණිය සදහා වැටුප් වැඩි වන්නේ රුපියල් 38020කිනි.
පොලිස් කොස්තාපල්වරයෙකුගේ වැටුප රුපියල් 10704කින් ඉහළ දැමීමට යෝජනා වී තිබේ.
පොලිස් සැරයන්වරයෙකුගේ එම මුදල වන්නේ රුපියල් 13210කි.
උප පොලිස් පරික්ෂකවරුන්ගේ වැටුප රුපියල් 14050කින් වැඩිවේ.
පොලිස් පරික්ෂකවරයෙකුගේ වැටුප රුපියල් 18290කින් වැඩිවන අතර ප්රධාන පොලිස් පරික්ෂවරයෙකුගේ වැටුප වැඩිවන්නේ රුපියල් 23685කිනි.
ග්රාම නිලධාරී පළමු ශ්රේනිය සඳහා රුපියල් 11340කින් වැටුප් වැඩි කිරීමට යෝජනාවී තිබේ.
දෙවැනි ශ්රේණිය සදහා රුපියල් 14690ක් සහ පළමු ශ්රේනිය සදහා රුපියල් 18750කින් වැටුප් වැඩිවේ.
පරිපාලන ග්රාම නිලදාරියෙකුගේ වැටුප් වැඩිවන්නේ රුපියල් 23575කිනි.
සහකාර ලේකම්, සහකාර අධ්යක්ෂ, ගණකාධිකාරී , සහකාර ප්රා දේශීය ලේකම් සහ සහකාර කොමසාරිස්වරුන්ගේ වැටුප වැඩිවන්නේ රුපියල් 28885කිනි.
නියෝජ්ය අධ්යක්ෂ හා නියෝජ්ය කොමසාරිස්වරුන්ගේ ආරම්භක වැටුප රුපියල් 43865කින් ඉහළ නැංවීමට යෝජනා කර තිබේ.
ප්රාදේශීය ලේකම් අධ්යක්ෂ , කොමසාරිස් හා ජ්යෙෂ්ඨ සහකාර ලේකම්වරුන්ගේ වැටුප වැඩිවන්නේ රුපියල් 57545කිනි.
ප්රාථමික වෛද්යවරුන්ගේ වැටුප රුපියල් 35560කින් වැඩිවේ.
දෙවන ශ්රේනියේ වෛද්යවරුන්ගේ වැටුප වැඩි කිරීම යෝජනා වී තිබෙන්නේ 39575කිනි.
පළමු ශ්රේණිය වෙනුවෙන් වැටුප් වැඩිවීම රුපියල් 53075කි.
අතිරේක ලේකම් සහ විශේෂඥ වෛද්යවරුන්ගේ වැටුප රුපියල් 70200කින් ඉහළ නැංවීමට යෝජිතය.
මීට සමගාමීව සියලු වැටුප් වර්ධක අගයන් දෙගුණ කිරීමට පියවර ගෙන ඇත.
ඊට සමගාමීව රාජ්ය සංස්ථා/ මණ්ඩල හා ව්යවස්ථාපිත ආයතන විශ්වවිද්යාල සහ ත්රිවිධ හමුදාව සඳහා ද ලබන වසරේ ජනවාරි මස පළමුවනදා සිට වැටුප් වැඩිකිරීමට කටයුතු යොදා තිබේ.
