ජනාධිපති රනිල් වික්‍රමසිංහ මහතා විසින් නීතිපතිවරයාට සේවා දිගුවක් ලබාදීමට දී ඇති නිර්දේශය අනුමත කිරීම තවදුරටත් කල්දැමීමට ඊයේ රැස්වූ ආණ්ඩුක්‍රම ව්‍යාවස්ථා සභාව තීරණය කර තිබේ.
ඒ, ඊට අදාළ නීතිමය ගැටලු කිහිපයක් නිරාකරණය නොවීම හේතුවෙනි.
අදාළ නීතිමය තත්ත්වයන් පැහැදිලි කර ගැනීමෙන් පසු ලබන සඳුදා යළි ඒ පිළිබඳව සලකා බලන බව ආණ්ඩුක්‍රම ව්‍යවස්ථා සභාවේ ප්‍රධානී කථානායක මහින්ද යාපා අබේවර්ධන මහතා පවසයි.
නීතිපති සංජේ රාජරත්නම් මහතාට මාස 6 ක සේවා දිගුවක් ලබා දීමට ජනාධිපතිවරයා පසුගියදා නිර්දේශ කළේය.
නීතිපති සංජේ රාජරත්නම් මහතා ලබන 26 වැනිදා විශ්‍රාමට යාමට නියමිත ය.
