නීතිපති සංජේ රාජරත්නම් මහතාට මාස 6ක සේවා දිගුවක් ලබාදීමට ජනාධිපතිවරයා දුන් නිර්දේශය සම්බන්ධයෙන් අද(10) දිනයේ සලකා බලන බව ආණ්ඩුක්‍රම ව්‍යවස්ථා සභාව පවසයි.
ඒ සඳහා කතානායකවරයාගේ ප්‍රධානත්වයෙන් ආණ්ඩුක්‍රම ව්‍යවස්ථා සභාව රැස්වීමට නියමිතයි.
කතානායක මහින්ද යාපා අබේවර්ධන මහතා පැවසුවේ, ඊට අදාළ නීතිමය පැහැදිලි කරගැනීම් කිහිපයක් සඳහා අවශ්‍ය පියවර මේ වනවිට ගෙන ඇති බවයි.
නීතිපති සංජේ රාජරත්නම් මහතා ලබන 26 වැනිදා විශ්‍රාමට යාමට නියමිතව තිබේ.
