ශ්‍රී ලංකාව වෙත අනුමත කර ඇති විස්තීරණ ණය පහසුකමේ තුන්වැනි වාරිකය ලබාදීමට අදාළ දෙවැනි සමාලෝචනය ලබන 12 වැනි දා පැවැත්වීමට නියමිත ය.
මේ පිළිබඳ ජාත්‍යන්තර මූල්‍ය අරමුදලේ න්‍යාය පත්‍රයට ඇතුළත් කර ඇතැයි මුදල් රාජ්‍ය අමාත්‍ය ෂෙහාන් සේමසිංහ මහතා පවසයි.
මෙහි දී ශ්‍රී ලංකාවේ ආර්ථික ප්‍රතිසංස්කරණ සහ ඒවායේ ප්‍රගතිය ඇගැයීමට ලක් කෙරෙනු ඇති බව අමාත්‍යවරයා පෙන්වා දේ.
මෙරට ආර්ථික ස්ථාවරත්වය ගොඩනංවා ගැනීම සඳහා තුන්වැනි වාරිකය ලබාදීම පිළිබඳ මෙහිදී සලකා බැලේ.
ඊට සියලුම රටවල අඛණ්ඩ සහය අපේක්ෂා කරන බව අමාත්‍යවරයා වැඩිදුරටත් සඳහන් කරයි.
