විදේශිකයෙක් වන හිටපු රාජ්‍ය ඇමති ඩයනා ගමගේ මහත්මිය ඒ බව සඟවා මෙරට විදෙස් ගමන් බලපත්‍රයක් ලබාගැනීම ඇතුළු චෝදනා කිහිපයක් සම්බන්ධයෙන් අපරාධ පරීක්ෂණ දෙපාර්තමේන්තුව විමර්ශනයක් පවත්වනු ලැබීය.
ඒ සම්බන්ධයෙන් ඩයනා ගමගේ මහත්මියගෙන් අපරාධ පරීක්ෂණ දෙපාර්තමේන්තුව ප්‍රශ්න කිරීමක්ද කරනු ලැබීය.
විමර්ශන උදෘතයන් මෙන්ම ඇගෙන් කළ ප්‍රශ්න කිරීමට අදාල කරුණුද නීතිපතිවරයා වෙත යොමු කරනු ලැබීය.
ඒ අනුව ඩයනා ගමගේ මහත්මියට එරෙහිව අද දින බොහෝ විට චෝදනා ගොනුකරනු ඇතැයි අපරාධ පරීක්ෂණ දෙපාර්තමේන්තු තොරතුරු අනාරවරණය කළේය.
