මෙරටට අනුමත වී ඇති විස්තීරණ ණය පහසුකමෙහි දෙවන සමාලෝචනය අවසන් කිරීමෙන්, පවතින කොන්දේසිවලට අනුව ශ්‍රී ලංකාව, වාණිජ ණය හිමියන් සමඟ ගිවිසුම්වලට එළඹෙනු ඇතැයි දැඩි අපේක්ෂාවක් ඇති බව ජාත්‍යන්තර මූල්‍ය අරමුදල (IMF) පවසයි.
ජාත්‍යන්තර මූල්‍ය අරමුදලේ සන්නිවේදන දෙපාර්තමේන්තුවේ අධ්‍යක්ෂ ජූලි කොසැක් පැවසුවේ ශ්‍රී ලංකාවේ සාර්ව ආර්ථික ප්‍රතිපත්ති ප්‍රතිසංස්කරණ ඵලදැරීමට පටන් ගෙන ඇති බවයි.
“මාර්තු 21 වන දින, IMF කාර්ය මණ්ඩලය සහ ශ්‍රී ලංකා බලධාරීන් දෙවන සමාලෝචනය මෙන්ම 2024 වගන්තිය IV උපදේශනය අවසන් කිරීම සඳහා ආර්ථික ප්‍රතිපත්ති පිළිබඳ කාර්ය මණ්ඩල මට්ටමේ ගිවිසුමකට එළැඹුණා. විධායක මණ්ඩලය විසින් සමාලෝචනය සම්පූර්ණ කිරීම නම්, පළමුව එකඟ වූ පූර්ව ක්‍රියාමාර්ග ක්රියාත්මක කිරීමත් දෙවනුව, අපි මූල්‍ය සහතික සමාලෝචනය ලෙස හඳුන්වන දේ සම්පූර්ණ කිරීමත් අවශ්‍ය වෙනවා. එම සමාලෝචනය මගින් බහුපාර්ශ්වික හවුල්කරුවන් ශ්‍රී ලංකාවට ඔවුන්ගේ මූල්‍ය දායකත්වය අඛණ්ඩව පවත්වාගෙන යන බව තහවුරු කිරීමට අවශ්‍යයි. එය ණය ප්‍රතිව්‍යුහගත කිරීමත් සමඟ ප්‍රගතිය තක්සේරු කරන අතර ප්‍රමාණවත් ප්‍රගතියක් ඇති බවට නිගමනය කිරීමට අවශ්‍ය වෙනවා.
ශ්‍රී ලංකාවේ සාර්ව ආර්ථික ප්‍රතිපත්ති ප්‍රතිසංස්කරණ ඵලදැරීමට පටන් ගෙන ඇති බව ද කියන්න කැමතියි. ශ්‍රී ලංකාව අත්කරගෙන ඇති ප්‍රශංසනීය ප්‍රතිඵල අතර සීඝ්‍ර උද්ධමනය, ශක්තිමත් සංචිත සමුච්චය වීම සහ මූල්‍ය පද්ධතියේ ස්ථායීතාවය රැක ගනිමින් ආර්ථික වර්ධනයේ ආරම්භක සලකුණු ඇතුළත් වෙනවා. සැලකිය යුතු රාජ්‍ය මූල්‍ය ප්‍රතිසංස්කරණවලින් පසුව රාජ්‍ය මූල්‍ය ශක්තිමත් වී තිබෙනවා. මෙම ප්‍රතිසංස්කරණවල ස්ථිර බව අඛණ්ඩව පවත්වාගෙන යාම ඉතා වැදගත්.
ණය ප්‍රතිව්‍යුහගත කිරීමේ ඊළඟ පියවර වන්නේ බාහිර වාණිජ ණය හිමියන් සමඟ සාකච්ඡා අවසන් කිරීම සහ නිල ණය හිමියන් සමඟ ප්‍රතිපත්තිමය වශයෙන් ගිවිසුම් ක්රියාත්මක කිරීමයි. ඔබ දන්නවා, දේශීය ණය මෙහෙයුම්, ණය ප්‍රතිව්‍යුහගත කිරීමේ කොටසක් එය බොහෝ දුරට සම්පූර්ණ කර තියෙන්නේ. දෙවන සමාලෝචනය අවසන් කිරීමෙන් වැඩසටහන් කොන්දේසිවලට අනුකූලව වාණිජ ණය හිමියන් සමඟ ගිවිසුම් ඇති කරගනු ඇතැයි දැඩි අපේක්ෂාවක් තිබෙනවා.” යැයි ද
