චීනයෙන් ගෙන්වන ලද මස් නිෂ්පාදන තොගයක අප්‍රිකාණු සූකර උණ වෛරසය පවතින බවට තහවුරු වී ඇතැයි රජයේ පශු වෛද්‍ය නිලධාරීන්ගේ සංගමය පවසයි.
මෙම මස් තොගය නීතිවිරෝධී ලෙස මෙරටට ගෙන්වා ඇති බව එහි සභාපති සිසිර පියසිරි මහතා සඳහන් කළේය.
අදාළ මස් තොගය කඩිනමින් විනාශ කිරීමට පියවර ගත යුතු බවද ඔහු අවධාරණය කරයි.
එසේ නොවුණහොත් ඉදිරියේදී සත්ත්ව පාලන කර්මාන්තය දැඩි අර්බුදයකට ලක්වනු ඇති බවද රජයේ පශු වෛද්‍ය නිලධාරීන්ගේ සංගමයේ සභාපතිවරයා සඳහන් කළේය.
