එළැඹෙන නිවාඩු සමයේ විදුලිය විසන්ධි කිරීමෙන් වළකින ලෙස අදාළ අංශ වෙත උපදෙස් ලබා දුන් බව විදුලිබල හා බලශක්ති අමාත්‍ය කංචන විජේසේකර මහතා පවසයි.
හදිසි නොවන නඩත්තු කටයුතු සඳහා ද විදුලි විසන්ධි කිරීමෙන් වළකින ලෙස ද අමාත්‍යවරයා ලංකා විදුලිබල මණ්ඩලයට උපදෙස් දී ඇත.
නිරන්තරයෙන් විදුලිය විසන්ධි කරන බවට ජනතාවගෙන් ලැබී ඇති පැමිණිලි පිළිබඳ අවධානය යොමු කරමින් මෙම පියවර ගෙන ඇත.
එළැඹී ඇති නත්ත් උත්සව සමය හේතුවෙන් මේ දිනවල ආහාර පාන සැකසීම, විදුලි එළි සැරසිලි යනාදිය සඳහා විදුලිය බහුලව භාවිත වේ.
නඩත්තු කටයුතු සඳහා විදුලි විසන්ධි කිරීමේදී ජාත්‍යන්තර මර්ගෝපදේශ අනුව කටයුතු කරන බවද හෙතෙම පවසා ඇත.
සතිඅන්තයේ අනවශ්‍ය ලෙස සිදුකරන නඩත්තු කටයුතු හේතුවෙන් අතිකාල දීමනා සඳහා විශාල පිරිවැයක් දැරීමට සිදුව ඇති බවද කාංචන විජේසේකර අමාත්‍යවරයා පෙන්වා දී ඇත.
