fbpx
තවත්
    මුල් පිටුවspecialඇමරිකානු රජයේ ඊමේල් ගිණුම්වලට චීන හැකර් ප්‍රහාරයක්

    ඇමරිකානු රජයේ ඊමේල් ගිණුම්වලට චීන හැකර් ප්‍රහාරයක්

    චීන හැකර්වරුන් පිරිසක් විසින් ඇමරිකා එක්සත් ජනපද රාජ්‍ය ආයතන ඇතුළු සංවිධාන 25 ක පමණ ඊමේල් ගිණුම් වෙත ප්‍රවේශය ලබාගෙන ඇති බව මයික්‍රොසොෆ්ට් පවසයි.

    ප්‍රධාන පෙළේ සංවිධාන 25 ක විද්‍යුත් තැපැල් ගිණුම් වෙත හැකර් ප්‍රහාරයක් එල්ල වූ බවට මක්‍රොසොෆ්ට් සමාගම සඳහන් කළද එම සංවිධාන කවරක්ද යන්න පිළිබඳ තොරතුරු ලබාදීම ප්‍රතික්ෂේප කර තිබේ.

    කෙසේ වෙතත් , හැකර් ප්‍රහාරයක් සම්බන්ධයෙන් මයික්‍රොසොෆ්ට් සමාගම විසින් තමන්ට දැනුම් දුන් බව ඇමරිකා එක්සත් ජනපද වාණිජ දෙපාර්තමේන්තුව විසින් බීබීසීයට තහවුරු කර ඇති බවට එම පුවත් සේවය සඳහන් කළේය.
    ඒ අනුව එක්සත් ජනපක වාණිජ ලේකම් වාණිජ ලේකම් ජිනා රයිමන්ඩෝ ද මෙලෙස හැකර් ප්‍රහාරයෙන් බලපෑමට ලක්වූ පිරිසට අයත් බවටද වාර්තාවේ.

    “මයික්‍රොසොෆ්ට් විසින් මයික්‍රොසොෆ්ට් හි ඔෆිස් 365 පද්ධතිය සමඟ සම්මුතියක් පිළිබඳ දෙපාර්තමේන්තුවට දැනුම් දුන් අතර, දෙපාර්තමේන්තුව ප්‍රතිචාර දැක්වීමට වහාම ක්‍රියාමාර්ග ගත්තේය,” එක්සත් ජනපද වාණිජ දෙපාර්තමේන්තුවේ ප්‍රකාශකයෙක් බීබීසීයට පැවසීය.

    මේ අතර අමෙරිකානු මාධ්‍ය වාර්තා කළේ එක්සත් ජනපද රාජ්‍ය දෙපාර්තමේන්තුව ද හැකර්වරුන්ගේ ඉලක්කය වී ඇති බවයි. කෙසේ වෙතත් මේ සම්බන්ධයෙන් එක්සත් ජනපද රාජ්‍ය දෙපාර්තමේන්තුව මාධ්‍ය වෙත අදහස් දැක්වීමක් කිරීටම් වැලකී ඇති බවද එරට මාධ්‍ය සඳහන් කරයි.

    සිද්ධිය සම්බන්ධයෙන් ලන්ඩනයේ චීන තානාපති කාර්යාලය රොයිටර් ප්‍රවෘත්ති ඒජන්සියට ප්‍රකාශ කර ඇත්තේ මෙම චෝදනා “සාවද්‍ය ” බවත් අතර එක්සත් ජනපද රජය “ලෝකයේ විශාලතම හැකර් අධිරාජ්‍යය සහ ගෝලීය සයිබර් සොරා” බවයි.

    මයික්‍රොසොෆ්ට් පැවසුවේ චීනය පදනම් කරගත් හැකර්වරුන් කණ්ඩායමක් වන ස්ටෝම්-0558 මීට සම්බන්ධවී ඇති බවට සැකකරන බවයි. එම කණ්ඩායාම විසින් මයික්‍රොසොෆ්ට් පද්ධතියට ඇතුළු වීමට අවශ්‍ය ඩිජිටල් සත්‍යාපන ටෝකන ව්‍යාජ ලෙස සකසා විද්‍යුත් තැපැල් ගිණුම් වෙත ප්‍රවේශ වී ඇති බවයි. මෙම ටෝකන සාමාන්‍යයෙන් පුද්ගලයෙකුගේ අනන්‍යතාවය තහවුරු කිරීමට භාවිතා කරයි.

    ” මෙම හැකර්වරුන් මූලික වශයෙන් බටහිර යුරෝපයේ රාජ්‍ය ආයතන ඉලක්ක කරන අතර ඔත්තු බැලීම, දත්ත සොරකම් කිරීම සහ අක්තපත්‍ර ප්‍රවේශය කෙරෙහි අවධානය යොමු කරයි,” යනුවෙන්ද මක්‍රොසොෆ්ට් සමාගම පැවසීය.

    මක්‍රොසොෆ්ට් සමාගම පැවසුවේ, සිය විමර්ශනවලින් පෙනී ගියේ මැයි මස මැද භාගයේදී මෙම කණ්ඩායම සිය පද්ධතියට ඇතුළු වීමට උත්සහ කිරීම් ආරම්භ වූ බවත්, මේවන විට ප්‍රහාරය මැඩපවත්වා බලපෑමට ලක් වූ ගනුදෙනුකරුවන් සම්බන්ධ කර ගෙන ඇති බවත්ය.

    මැයි මාසයේදී මයික්‍රොසොෆ්ට් සහ බටහිර ඔත්තු ඒජන්සි කියා සිටියේ චීන හැකර්වරුන් ගුවාම් හි ඇමරිකානු හමුදා කඳවුරුවල තීරණාත්මක යටිතල ව්‍යුහයන්ට පහර දීමට නව මෘදුකාංග භාවිතා කර ඇති බවයි.

    සංජීවනී එදිරිසිංහ

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.