ජාත්‍යන්තර මුල්‍ය අරමුදලට මෙරට අරමුදල් වැඩසටහ‍නේ ඉදිරියට යාමට හැකි වන පරිදි සාධාරණ සහ සමානාත්මතාවයෙන් යුතුව සැලකීමට ශ්‍රී ලංකාවේ සියලු ණය හිමියන් එකඟ විය යුතු බව අමෙරිකානු රජය පවසයි.
මෙරට අමෙරිකානු තානාපති ජූලි චන්ග් මහත්මිය පෙන්වා දෙන්නේ අමෙරිකා එක්සත් ජනපදය ජාත්‍යන්තර මූල්‍ය අරමුදලේ දී ශ්‍රී ලංකාවට අඛණ්ඩව සහය දක්වන බවය.
ජාත්‍යන්තර මූල්‍ය අරමුදලේ සහය ලබා ගැනීමේ ප්‍රයත්නයේ කොටසක් ලෙස ප්‍රධාන ආර්ථික ප්‍රතිසංස්කරණ ක්‍රියාත්මක කිරීමට ශ්‍රී ලංකාවේ කටයුතු පිළිබඳව සාකච්ඡා කිරීමට ඇය රාජ්‍ය අමාත්‍ය ෂෙහාන් සේමසිංහ මහතා හමුවූ අවස්ථාවේදී මේ බව කියා තිබේ.
