කොළඹ පෞද්ගලික රෝහලක් ආශ්රිතව සිදුවී ඇතැයි කියනු ලබන වකුගඩු ජාවාරමට සම්බන්ධ බව කියැවෙන බස්නාහිර පළාත් බුද්ධි කාර්යාංශයේ හිටපු ස්ථානාධිපතිවරයාව කෑගල්ලට මාරුකර යවා තිබේ.
ඊට අදාල නියෝගය පොලිස් මූලස්ථානය විසින් අද නිකුත් කරනු ලැබීය.
කොළඹ වංචා විමර්ශන කාර්යාංශයේ විමර්ශන ඒකකයක ස්ථානාධිපතිවරයෙක් ලෙස මේ වන විට කටයුතු කරමින් සිටි මෙම නිලධාරියාට එරෙහිව මෙතෙක් කිසිදු පියවරක් ගෙන නැත. මෙම ස්ථානමාරුවීම පවා කර ඇත්තේ වකුගඩු සිදුවීම මුල්කරගෙන වංචා විමර්ශන කාර්යාංශයේ බලධාරීන් විසින් මෙම නිලධාරියාව එම අංශයෙන් මාරුකරන ලෙස පොලිස්පතිවරයාගෙන් කළ ඉල්ලීමකට අනුවය.