දුම්රිය කාලසටහන දෙසැම්බර් 5 වැනිදා සිට අදියර වශයෙන් සංශෝධනය කෙරේ.
ඒ යටතේ කැලණිවැලි දුම්රිය මාර්ගයේ කාලසටහන ලබන මස 5 වැනිදා සිට සංශෝධනය කරන බව දුම්රිය දෙපාර්තමේන්තුව පවසයි.
අනෙකුත් මාර්ගවල වෙනස්කම් ද ඉදිරියේදී දැනුම් දීමට නියමිතය.
ඒ සමගම දුම්රිය ධාවන කටයුතු විනාඩි 5ත් 10ත් අතර වෙනසක් සිදුවන බව සඳහන් ය.
මේ අතර, දුම්රිය දෙපාර්තමේන්තුවේ සේවක හිඟය හේතුවෙන් දුම්රිය සේවාව අඛණ්ඩව පවත්වාගෙන යාමට බාධා මතුව ඇතැයි ද වාර්තා වේ.
දැනට පවතින සේවක පුරප්පාඩු 8000 පිරවීමට මෙතෙක් කිසිදු ක්‍රියාමාර්ගයක් ගෙන නොමැති වීම ඊට හේතුවයි.
