දෛනිකව ඉන්ධනහල් 300ක් පමණ ඉන්ධන නොමැතිව වසාදැමීමට සිදුවී ඇති බවට පළවන මාධ්‍ය වාර්තා පූර්ණ සත්‍යතාවයෙන් තොර බව ලංකා ඛනිජ තෙල් නීතිගත සංස්ථාව පවසයි.
විධිමත් කළමනාකරණයකින් යුක්තව ඉන්ධන තොග බෙදාහැරීමට ගෙන ඇති තීරණ අනුව යම් යම් තාවකාලික හා කෙටිකාලීන සීමාකම් මතුවීම සාමාන්‍ය තත්ත්වයක් බවද එම සංස්ථාව පෙන්වා දෙයි.
පවතින ඉන්ධන තොග සෑම ක්ෂේත්‍රයක්ම ආවරණය වනපරිදි සාධාරණ පදනමකින් බෙදාහැරීමට අවශ්‍ය බැවින් මෙලෙස විධිමත්ව ඉන්ධන තොර බෙදාහැරේ.
කෙසේවෙතත් මේ වනවිට දෛනිකව ඉන්ධනහල් වෙත බෙදාහරින තොග ඉන්ධන හිඟ කාලයට සාපේක්ෂව ඉහළ අගයක් බවද එම ආයතනය පෙන්වා දෙයි.
ලංකා ඛනිජ තෙල් නීතිගත සංස්ථාව නිකුත් කළ නිවේදනය පහත දැක්වේ.
