සේවක අර්ථසාධක අරමුදලේ (EPF) ප්‍රතිලාභ ලබාගැනීම සදහා දැනට පවතින දිගු පෝලිම්වලට තිත තැබීමේ පියවරක් ලබන පළමුවැනිදා සිට නව වැඩපිළිවෙළක් ක්‍රියාත්මක කරන බව කම්කරු සහ විදේශ රැකියා අමාත්‍ය මනූෂ නානායක්කාර මහතා පවසයි.
ඒ අනුව සේවක අර්ථසාධක අරමුදලේ ප්‍රතිලාභ ලබාගැනීමට සහ සේවා යෝජක ලියාපදිංචිය සදහා දිනයක් සහ වේලාවක් 1958 අංකයට අමතා හෝ appointment.labourdept.gov.lk යොමුව මගින් ලබාදීමට කටයුතු කළ හැකිය.
ඒ අනුව පෝලිම් නොමැතිව කම්කරු දෙපාර්තමේන්තුව හරහා ලබාගතයුතු සේවාවන් ලබාගැනීමේ හැකියාව සලසා දෙන බව අමාත්‍යවරයා පෙන්වා දෙයි.
මේ අතර කම්කරු දෙපාර්තමේන්තුවේ කටයුතු සම්පූර්ණයෙන්ම ඩිජිටල්කරණය කිරීමේ කටයුතු ද කඩිනම් කරන බව අමාත්‍යවරයා අවධාරණය කළේය.
