ගාලුමුවදොර අරගලකරුවන්ට පහරදීමත් සමඟ රටපුරා ඉකුත් මැයි 09 වෙනිදා ඇතිවුණු නොසන්සුන් තත්ත්වය හමුවේ පංචිකාවත්තේදී පොලිස් අධිකාරීවරයෙකුට පහරදී ඔහු ගමන් කරමින් සිටි රථයට ගිනි තබා රාජකාරි ගිනි අවිය පැහැරගත් තරුණයෙක් ගිනි අවියද සමඟ අත්අඩංගුවට ගැනීමට අපරාධ පරීක්ෂණ දෙපාර්තමේන්තුව සමත්ව ඇත.
මාලිගාවත්තේ පැදිංචිකරුවෙක් වන එම සැකකරු 18 හැවරදි අයෙක් බව අපරාධ පරීක්ෂණ දෙපාර්තමේන්තුව සඳහන් කරයි.
මීගමුව පොලිස් කොට්ඨාශයේ සේවයේ නිරතව සිටි පොලිස් අධිකාරී නාලක සේනානායක මහතා එසේ පහරකෑමට ලක්විය. මේ වන විටත් ඔහු රෝහල්ගතව ප්‍රතිකාර ලබමින් සීටී. සති දෙකක් ඔහු දැඩි සත්කාර ඒකකයේද ප්‍රතිකාර ලැබීය.
මීගමුවේ සිට ඔහු විශේෂ රාජකාරි සඳහා කොළඹට පැමිණෙමින් සිටියදී මෙම සිදුවීමට ඔහු මුහුණ දුන්නේය. පොලිස් අධිකාරීවරයා ගමන්කරමින් සිටි වාහනය වටකර ඔහුට පහරදී නිල ඇදුමද ගලවා දමා පහරදී ඇති බව අපරාධ පරීක්ෂණ දෙපාර්තමේන්තුව විසින් කළ විමර්ශනයේදී අනාවරණය වී ඇත.
මාලිගාවත්තේ පිහිටි සැකකරුගේ නිවසේ ගිනි අවිය සඟවා තිබී ඇති අතර ඔහු පාතාලය සමඟ සම්බන්ධකම් පවත්වන පුද්ගලයෙක් බවට ඇති තොරතුරු සම්බන්ධයෙන් විමර්ශණ පැවැත්වෙන බව උසස් පොලිස් නිලධාරීයෙක් කීය.
ඕකා තමා සබජ යේ ලොකුම අන්තවාදියා!