ජනමාධ්‍ය අමාත්‍යාංශයේ නව ලේකම්වරයා ලෙස අනූෂ පැල්පිට මහතා අද දින ජනමාධ්‍ය අමාත්‍යාංශයේ දී වැඩ බාරගත්තේ ය.
අනූෂ පැල්පිට මහතා රාජ්‍ය ආයතන ගණනාවක මෙන්ම රජයේ ප්‍රවෘත්ති අධ්‍යක්ෂ ජනරාල් ධුරයේ ද කටයුතු කර ඇති අත්දැකීම් බහුල පරිපාලන නිලධාරියෙකි.
මීට පෙර විදුලි සංදේශ නියාමන කොමිෂන් සභාවේ අධ්‍යක්ෂ ජනරාල්වරයා ලෙස ද කටයුතු කළ අනූෂ පැල්පිට මහතා, කර්මාන්ත අමාත්‍යාංශයේ ලේකම් ධුරයට මෙන්ම සංවර්ධන ලොතරැයි මණ්ඩලයේ සභාපතිවරයා ආදි ධුර ගණනාවක කටයුතු කර ඇත.
