රටපුරා ඊයේ දින වූ සිදුවීම් වලින් පුද්ගල මරණ 07ක්, තුවාල වීම් 200 කට අධික ප්‍රමාණයක් , ගිනි තැබීම් සහ පහරදීම් 150 ට වැඩි ප්‍රමාණයක් සිදුව තිබේ.
නිට්ටඹුවේදී පුද්ගල මරණ 03ක්, වීරකැටියේදී පුද්ගල මරණ 02 ක් සහ කටානේ පුද්ගල මරණ 01ක් සිදුව ඇතැයි පොලීසිය කියයි.
නිට්ටඹුවෙ සහ වීරකැටියේ සිදුව ඇති මරණ 06 ම සිදුව ඇත්තේ වෙඩි තැබීම් වලින් බව පොලීසිය කියයි.
කටානේ මරණය සිදුව ඇත්තේ එහි ඇති ප්‍රසිද්ධ හෝටලයකට එල්ලකළ ප්‍රහාරයෙනි.
පහරදීම් වලින් තුවාල ලැබූ 200 කට වැඩි පිරිසක් මේ වන විට රෝහල්ගතව ප්‍රතිකාර ලබන බවද පොලීසිය කියයි.
ගිනි තැබීම්වලට ලක්ව ඇති නිවාස හා දේපොල වලින් වැඩි ප්‍රමාණයක් දේශපාලනඥයන්ට අයත්ඒවා වන අතර මැති ඇමතිවරුන්ට අයත් දේපොල ඒ අතර විශාල ප්‍රමාණයක් ඇතැයි පොලීසිය සඳහන් කරයි.
