සියළුම දුම්රිය අංගනවල තිබෙන පරණ යකඩ ඇතුළු අබිලි ද්‍රව්‍ය මාස තුනක් ඇතුලත නිසි ටෙන්ඩර් ක්‍රමවේදයන්ට අනුව අලෙවි කිරිමට කටයුතු කරන ලෙස ප්‍රවාහන අමාත්‍ය පවිත්‍රා වන්නිආරච්චි මහත්මිය දුම්රිය සාමාන්‍යාධිකාරිවරයාට උපදෙස් දී තිබේ.
දුම්රිය දෙපාර්තමේන්තුව සදහන් කරන්නේ අංගනවල අබිලි ද්‍රව්‍ය මෙට්‍රික් ටොන් 7000ක් පමණ තිබෙන බවයි.
ඒවා අලෙවි කිරිම තුළින් 2022 වසරේ දෙපාර්තමේන්තුවට රුපියල් මිලියන 700ක් පමණ උපයා ගැනීමට හැකිවනු ඇතැයි දුම්රිය දෙපාර්තමේන්තුව අපේක්ෂා කරයි.
දෙමටගොඩ පිහිටි දුම්රිය යාන්ත්‍රික ඉංජිනේරු අංගනයේ නිරීක්ෂණ චාරිකාවකට එක්වෙමින් අමාත්‍යවරිය අද (25) මේ බව සදහන් කළේය.
