දේශපාලන පක්ෂවල ලකුණු ලෙස යොදා ගැනීමට වෙන්කර දී ඇති ලැයිස්තුවෙන් ඔටුන්න සහ ගොවියා යන ලකුණු ඉවත් කර තිබේ.
මැතිවරණ කොමසාරිස් ජනරාල් සමන් ශ්රී රත්නායක මහතා විසින් නිකුත් කළ අති විශේෂ ගැසට් නිවේදනයක මේ බව දැක්වෙයි.
දේශපාලන පක්ෂ සඳහා අනුමත කර ඇති ලකුණු ඇතුළත් නව ලැයිස්තුව පසුගිය ජනවාරි මස 21 වනදා මැතිවරණ කොමිෂන් සභාව මගින් ප්රකාශයට පත් කර තිබුණි.
එහි දේශපාලන පක්ෂ සඳහා මේ වනවිට වෙන්කර දී ඇති ලකුණුවලට අමතරව පක්ෂ සඳහා ලබාගත හැකි ලකුණු ද සඳහන් කර තිබුණි.
එහි ඇතුළත් වූ ඔටුන්න ලකුණ සහ ගොවියා ලකුණ නව ගැසට් නිවේදනයෙන් ඉවත් කිරිමට පියවර ගෙන ගැනුණි.